1कुम्सो पपाइक्ब कली मुराली ताप्शा पतीके। दाऊद आ कुम्सो। परमप्रभु यावे, आं देंशो लोव़ नेनीने। आं हुकयी पशो नेनीन।
2आं पिप, परमप्रभु, आं ठेयब सेंदा नेनीने। मारदे हना गो इन कली लोव़ पा पुंइनुङ।
3परमप्रभु यावे, गे सुनी कना आं सेंदा नेंनीनी। गो मार माल्नुङा, मेको इन कली पुंइशा, रिम्शा बाक्नुङ।
4मिनु गे मरिम्शो पाइब आन कली मदाक्ब परमप्रभु बाक्नीनी। इन अरेशो मटीब काइ यो गे नु बाक्ने मचाप्नीम।
5ठेयब लेश्शो मुरपुकी इन ङोंइती राप्ने मचाप्नीम। गे मरिम्शो पाइब आन कली मदाक्नीनी।