1कुम्सो पपाइक्ब कली महलाथ नें पाइश्शो कुम्सो आ लायो। दाऊद आ शेंतीक कुम्सो। भजन संग्रह १४:- मूर्खपुकीमी आन थुंमी “परमप्रभु मबाक्ब” देंनीम। मेकोपुकी काइ मरिम्शो दुम्शा ग्रांग्रा दिचा ङा गेय पाइनीम। रिम्शो पाइब का यो मबाक्नीम।
2मिनु परमप्रभुमी स्वर्ग रे मुर आन कली कोव़ब। मारदे कोव़ब देंशा हना, आ कली माल्ब, रुप्ब मुर का बाक्म कों, दे कोव़ब।
3मुर नेल्ले हेंथे लां खोइश्शो बाक्नीम। मेको नेल्ले दूली पाइब बाक्नीम। रिम्शो पाइब का यो मबाक्नीम।
4मार, मरिम्शो पाइबपुकी मारेइ मशेंसीनीमी? मेकोपुकीमी शोब्ले जशो खोदेंशो पा आं मुर आन कली नेक्नीम। मेकोपुकीमी परमप्रभु कली काइ मपुंइनीम।