1कुम्सो पपाइक्ब कली। शेंतीक कुम्सो एदोमी दोएगमी सावल कली “दाऊद अहीमेलेक आ बाक्तीकेम ख्रुंइसाक्व” देंचा नोले ङा दाऊद आ कुम्सो। १सामुएल २२:९-१९ गे थम बोल्यो मुर, मारदे मरिम्शो पचा आ पर्बम बोरनीनी? परमप्रभु आ शिशी नाक्त रे लीब।
2गे नाक्त रे खतम सेल्चा आ पर्बम मिम्नीनी? इन शोव़ शेप्शो करद खोदेंशो बाक्ब। गे जोल पाइब ला बाक्नीनी।
3गे रिम्शो पचा क्येङा मरिम्शो पचा ला दाक्नीनी। थमा लोव़ पचा क्येङा जोल पचा ला दाक्नीनी। ठेयब सेंदा पा।
4गे जोल पाइब मुर, मारेइ मारेइ खतम सेल्तीक लोव़ ला दाक्नीनी।