2गे वोंइश मुर आन दातेमी नेल्ल क्येङा रिम्शो बाक्नीनी। इन लोव़ यो शुश रिम्शो बाक्ब। मारदे हना परमप्रभुमी इन कली गेना हना यो लीब आसीक गेशो बाक्ब।
3गे बोल्यो मुर, इन किप्शुर किप्शा इन तरवार पिम्सीन। मिनु इन दारस नु इन मान ततीके कोंइदीन।
4इन मान ततीकेमी, थमा पतीके, ब्रेम्शो थुं दुम्तीके नु इन ठीक पतीकेमी गाक्शा, इन सक्तिमी छक लाक्चा ङा गेय कोंइदीन।
5गे इन हेश्शो ब्रामी इन जोरी सत्रु आन लुङगीरमी देत्नीम। जात जात ङा मुर इन ङोंइती साइक्चा पुंइसीनीम।