Text copied!
CopyCompare
परमप्रभु यावे आ लोव़ - भजन संग्रह - भजन संग्रह 35

भजन संग्रह 35:2-26

Help us?
Click on verse(s) to share them!
2ठेयब तेक्‍तीक नु या शेशा, आं कली वारच पथ बोक्‍कीन।
3इन तूतीक नु तरवार शेशा, आं कली खेदा पाइब आन लां तेक्‍कीन। मिनु आं थुं कली “गो इ कली प्रोंइब नङ” देनीन।
4आं कली साइक्‍चा माल्‍बपुकी खतम दुम्‍शा, मुने दोक्‍मल। आं कली मरिम्‍शो पाइक्‍चा, दे मिम्‍बपुकी नोले लेश्‍शा, मुने दोक्‍मल।
5मेकोपुकी फशेम योल्‍शो भूस खोदेंशो दुम्‍मल। मिनु परमप्रभु यावे आ स्‍वर्ग ङा गेय पाइबमी मेको आन कली खेदा पस ङा पस पवल।
6मेको आन लां छिङछिङ नु ग्रेक्‍शा थित्‍तीके दुम्‍ल। मोपा यो परमप्रभु यावे आ स्‍वर्ग ङा गेय पाइबमी खेदा पवल।
7मारदे हना मेकोपुकीमी मोशान आं कली ब्‍वारद दाइक्‍ताक्‍यीमी। मिनु मोशान आं कली साइक्‍चा कली बिक्‍तीक दोम्‍तेक्‍म।
8मेको आन मतुइक्‍थु, हिंचा ङा ठेयब श्‍येत दुम्‍ल। मिनु मेको आन ख्रुइश्‍शा दाइश्‍शो ब्‍वारदम आंमान रेम्‍मल। मेको आन दोशो बिक्‍तीकेमी आंमान बिक्‍शा, बेक्‍मल।
9गो चहिं परमप्रभु यावेमी आं कली प्रोंइशो तशा ग्‍येरसीनुङ।
10मिनु गो आं रां नेल्‍लेमी “परमप्रभु यावे, इन खोदेंशो सु बाक्‍बा?” देंनुङ। गे मचाप्‍ब नु श्‍येत जाइब आन कली बोल्‍यो मुर आ गुइ रे प्रोंइनीनी।
11जोल पाइब सांकछीपुकी ग्रूनीम। मिनु आं मतुइश्‍शो लोव़ हिल्‍लो पाइनीम।
12गो मेको आन कली रिम्‍शो पाता। मेकोपुकीम चहिं मरिम्‍शो पाइक्‍तीमी। गो का ला दुम्‍ती, सुइम आं कली वारच मपाइय्‍यीमी।
13मेकोपुकी रोइ पामेनु, गो अरन्‍डी फेक्‍शा, माइजा बाक्‍शा, सुर्ता पाता। गो बाप्‍शा मेको आन पर्बम परमप्रभु कली पुंइता। अय्‍युब ३१:२९
14आं वारच नु आं लोक्‍ब आन पर्बम खोदेंशो पा, मेको आन पर्बम रोंका पाता। आं ममा आ पर्बम खोदेंशो पा आं पिया खुक्‍शा, रोंका पाता। रोमी १२:१५
15तन्‍न गो दाइल पांइसीङानु, मेकोपुकी रिश्‍शा, आं पर्बम शुक्‍शी पचा कली बुक्‍तेक्‍म। आं मतुइश्‍शो शुक्‍शी पाइबपुकी आं कली मरिम्‍शो पचा कली बुक्‍तेक्‍म। मिनु मेकोपुकीम आं कली शुक्‍शी पस ङा पस पतीमी।
16मेकोपुकी नेल्‍ल क्‍येङा मरिम्‍शो दुम्‍शा, शुक्‍शी पा, आन ख्रुइ शेप्‍नीम।
17परमप्रभु, गे गेना सम्‍म मेको आन कली कोव़शा बाक्‍नीनी? परमप्रभु मरिम्‍शो पाइबपुकी रे आं कली प्रोंइयीनी। आं कली नेल्‍ल क्‍येङा बोल्‍यो मुर रे प्रोंइयीनी?
18मिनु गो शुश मुर आन ङोंइती इन कली “गे ठेयब बाक्‍नीनी” देंनुङ। ठेयब हुल आन दातेमी इन कली कुम्‍सो पा ठेयब सेल्‍नुङ।
19मेकोपुकी मोशान आं जोरी सत्रु दुम्‍शा, आं पर्बम ग्‍येरचा मतामेक्‍ल। मोशान खेदा पाइबपुकी आं पर्बम आन मिक्‍च रिक्‍चा मतामेक्‍ल। भजन संग्रह २५:१९; भजन संग्रह ६९:५
20मारदे हना मेकोपुकी थुं नाइश्‍शा बाक्‍तीक आ पर्बम लोव़ मपाइनीम। रागीम थुं नाइश्‍शा बाक्‍ब आन कली जोल पा दोस गेचा कली मिम्‍नीम।
21मेकोपुकीमी ठेयब शोव़ सेल्‍शा, आं पर्बम “आहा आहा, आंइ मिक्‍चीम तचा ताइतक” देंनीम।
22परमप्रभु यावे, गे एको ताइतीनी। मिनु सिक्‍सी पा मबाक्‍कीन। परमप्रभु यावे आं क्‍येङा ङोन मदुमीन।
23बोक्‍कीने। मिनु आं कली वारच पाइय्‍यीनी। परमप्रभु, आं परमप्रभु यावे, आं पोन बोक्‍कीन।
24परमप्रभु यावे, आं परमप्रभु, इन ठीक पतीकेम आं कली निसाफ पने। आं पर्बम मेकोपुकी ग्‍येरचा मतामेक्‍ल।
25मेकोपुकीमी आन थुंमी “आहा, आंइ मिम्‍शो दुम्‍त” देंचा मतामेक्‍ल। मेकोपुकीमी “गो मेको कली खतम पोक्‍तक” देंचा मतामेक्‍ल।
26गो श्‍येत जङानु, आं पर्बम रिप्‍ब नेल्‍ले मुने दोक्‍मल। मिनु मेको “क्‍येङा ठेयब नकी” देंबपुकी मुने दोक्‍शा आइक्‍च सेल्‍चा पुंइसीमल।

Read भजन संग्रह 35भजन संग्रह 35
Compare भजन संग्रह 35:2-26भजन संग्रह 35:2-26