Text copied!
CopyCompare
परमप्रभु यावे आ लोव़ - भजन संग्रह - भजन संग्रह 35

भजन संग्रह 35:16-28

Help us?
Click on verse(s) to share them!
16मेकोपुकी नेल्‍ल क्‍येङा मरिम्‍शो दुम्‍शा, शुक्‍शी पा, आन ख्रुइ शेप्‍नीम।
17परमप्रभु, गे गेना सम्‍म मेको आन कली कोव़शा बाक्‍नीनी? परमप्रभु मरिम्‍शो पाइबपुकी रे आं कली प्रोंइयीनी। आं कली नेल्‍ल क्‍येङा बोल्‍यो मुर रे प्रोंइयीनी?
18मिनु गो शुश मुर आन ङोंइती इन कली “गे ठेयब बाक्‍नीनी” देंनुङ। ठेयब हुल आन दातेमी इन कली कुम्‍सो पा ठेयब सेल्‍नुङ।
19मेकोपुकी मोशान आं जोरी सत्रु दुम्‍शा, आं पर्बम ग्‍येरचा मतामेक्‍ल। मोशान खेदा पाइबपुकी आं पर्बम आन मिक्‍च रिक्‍चा मतामेक्‍ल। भजन संग्रह २५:१९; भजन संग्रह ६९:५
20मारदे हना मेकोपुकी थुं नाइश्‍शा बाक्‍तीक आ पर्बम लोव़ मपाइनीम। रागीम थुं नाइश्‍शा बाक्‍ब आन कली जोल पा दोस गेचा कली मिम्‍नीम।
21मेकोपुकीमी ठेयब शोव़ सेल्‍शा, आं पर्बम “आहा आहा, आंइ मिक्‍चीम तचा ताइतक” देंनीम।
22परमप्रभु यावे, गे एको ताइतीनी। मिनु सिक्‍सी पा मबाक्‍कीन। परमप्रभु यावे आं क्‍येङा ङोन मदुमीन।
23बोक्‍कीने। मिनु आं कली वारच पाइय्‍यीनी। परमप्रभु, आं परमप्रभु यावे, आं पोन बोक्‍कीन।
24परमप्रभु यावे, आं परमप्रभु, इन ठीक पतीकेम आं कली निसाफ पने। आं पर्बम मेकोपुकी ग्‍येरचा मतामेक्‍ल।
25मेकोपुकीमी आन थुंमी “आहा, आंइ मिम्‍शो दुम्‍त” देंचा मतामेक्‍ल। मेकोपुकीमी “गो मेको कली खतम पोक्‍तक” देंचा मतामेक्‍ल।
26गो श्‍येत जङानु, आं पर्बम रिप्‍ब नेल्‍ले मुने दोक्‍मल। मिनु मेको “क्‍येङा ठेयब नकी” देंबपुकी मुने दोक्‍शा आइक्‍च सेल्‍चा पुंइसीमल।
27आं कली दाक्‍बपुकी आं ठीक पशो तशा, ग्‍येरसीशा कुम्‍सो पामेक्‍ल। मिनु मेकोपुकीमी गेना हना यो “परमप्रभु यावे आ नें ठेयब बाक्‍ल। मेकोमी आ गेय पाइब कली रिम्‍शो दुम्‍शो तचा दाक्‍ब” देंमल।
28मिनु गो नाक्‍त रे इन ठीक पतीके नु इन ठेयब दुम्‍तीके आ पर्बम लोव़ पाइनुङ।

Read भजन संग्रह 35भजन संग्रह 35
Compare भजन संग्रह 35:16-28भजन संग्रह 35:16-28