3“मेको आस देंशो मपय, मेको आस कली मटिय” दे लोव़ पमुइनीमी? येरमीया ५:५
4मिनु स्वर्गम बाक्ब परमप्रभु चहिं मेको मुर आन कली तशा, रिप्ब। मेको आन पशो तशा शुक्शी पाइब। भजन संग्रह ५९:९
5मिनु नोले मेको गाइश्शा, लोव़ पाइब। मोपा चुरशा, मेको आन कली हिंच कोंइब। यसैया ३४:२; प्रकाश ६:१५-१७
6मिनु मेकोमी “गो आं सियोन डांडामी आं तेल लुक्शा सोइश्शो पिप कली वोइक्ता” देंत। जकरिया ८:३
7परमप्रभु यावेमी लोव़ पा आं कली “गे आं तौ नवे, मुलाक्ती गो इ कली सेल्ता” देंत। भजन संग्रह ८९:२७-२८; २सामुएल ७:१४; प्रेरित १३:३३; हिब्रू १:५, हिब्रू १:५; हिब्रू ५:५
8मिनु लेंशा परमप्रभु यावेमी आं कली “गे आं कली पुंइतीवी हना, गो रागी रागी ङा मुर इ कली गेनुङ। रागी ङा सुर सम्म नेल्ल इ कली गेनुङ। दानीएल ७:१३-१४; हिब्रू १:२
9गे मेको आन कली फलाम के कोक्केमी खप के सेल्शो ग्योंब प्रोल्शो खोदेंशो पा प्रोल्नेवे” दे लोव़ पाप्तु। प्रकाश २:२७; प्रकाश १२:५; प्रकाश १९:१५
10मोपतीके गे पिपपुकी, जोक्ब तुइक्ब दुम्शा बाक्कीन। गे निसाफ पाइब हिंशा, होस पा रुप्ब दुमीन।
11परमप्रभु यावे कली मान पा हिंशा, मेको आ देंशो गेय पने। हिंशा ख्रिंख्रि पा मेको आ ङोंइती ग्येरशा बाप्पीन। फिलिप्पी २:१२; हिब्रू १२:२८
भजन संग्रह 2
भजन संग्रह 2:3-11