8आ नें रे कुन कुत। आ शोव़ रे ठेयब मी ग्रूशा, ब्रशो कोइला हुरुर पा बेरतेक्म। प्रस्थान १९:१८
9मिनु परमप्रभु सरीङ रे यित। आ खोइल आगामी क्येर गोस्स के छिङछिङ बाक्त। भजन संग्रह १४४:५-७
10मेको करूब का ङोइश्शा, फशेम बेरत। भजन संग्रह ९९:१
11छिङछिङमी ख्रुइश्शा, आ एर ओंथ नेल्ल ब्वाक्कु कुरशो क्येर गोस्स बाक्तेक्म।
12परमप्रभु आ छेङछेङ रे मुप्स, मी ब्रशो कोइला नु चिला खोदेंशो पा गोस्स ग्रूतेक्म।
13परमप्रभु यावेमी सरीङ रे बुंबु पशो खोदेंशो पा आ सेंदा नेंपाइश्शो बाक्त।
14मिनु मेकोमी आ ब्रा आबानु, आं जोरी सत्रु ब्रपाइक्तीमी। ठेयब चिला पपाइश्शा, प्रोक्पाइक्तीमी।
15परमप्रभु यावे इन हुइक्तीकेमी नु इन नें रे ग्रूशो सोक्तमी समुन्द्र नु रागी आ जग ग्रूत।
16परमप्रभुमी इर रे आं गुइ ग्याइश्शा, ठेयब ब्वाक्कु रे कीशा ग्रुंइताक्यी।
17मिनु आं कली मदाक्बपुकी नु आं क्येङा बोल्यो जोरी सत्रु रे प्रोंइती।
18श्येत जङा नाक्त आं जोरी सत्रुम पुम्ताक्यीमी, तन्न परमप्रभु यावेमी वारच पाइक्ती।