भजन संग्रह 135:10-16

¹⁰मेकोमी शुश रागी आन कली खतम पोक्‍तीमी। मिनु मेकोमी बोल्‍यो पिप आन कली साइक्‍तीमी। गन्‍ती २१:२१-३५

¹¹मेकोमी एमोरी आन पिप सीहोन, बाशान ङा पिप ओग नु कनान ङा पिप नेल्‍ल आन कली साइक्‍तीमी।

¹²मिनु मेकोमी मेको आन रागी आ मुर, इस्राएली आन कली आन के सेल्‍चा कली गेम्‍तीमी। यहोसु १२:१-६

¹³परमप्रभु यावे इन नें गेना हना यो बाक्‍ब। परमप्रभु यावे इन नें गेनायो मक्‍याम्‍सीब। भजन संग्रह १०२:१३

¹⁴मारदे हना परमप्रभु यावेमी आ मुर आन कली निसाफ पतीकेमी वारच पाइब। मिनु आ गेय पाइब आन कली शिशी पाइब। ब्‍यवस्‍था ३२:३६

¹⁵रागी रागी ङा मुर आन मूर्ति सुन नु चांदी के बाक्‍नीम। मेको नेल्‍ले मुर आन सेल्‍शो ला बाक्‍नीम। भजन संग्रह ११५:४-११

¹⁶मेको आन के शोव़ बाक्‍ब, तन्‍न मब्‍वाक्‍नीम। मिक्‍च बाक्‍ब, तन्‍न मताइनीम।