51ठेयब लेश्शो मुरुमी आं कली शुश शुक्शी पाइनीम। तन्न गो इन अरेशो लोव़ मप्रोंइनुङ।
52परमप्रभु यावे, गो इन साइ ङोंइती ङा पतीक लोव़ मिम्शा, आं थुं नाइक्नुङ।
53इन अरेशो लोव़ प्रोंइब मुर आन पर्बम गो गाइश्शा चुरशा बाक्ती।
54गो ते बाक्ती हना यो, इन फुल्लुम मुशा ब्रेक्शो लोव़ आं कुम्सो दुम्शो बाक्तेक्म।
55परमप्रभु यावे, गो नाक्दो इन कली मिम्शा, इन अरेशो लोव़ पाइनुङ।
56गो आसीक राइब दुम्ती। मारदे हना गो इन ब्रेक्शा अरेशो लोव़ टिशा बाक्ती।
57परमप्रभु यावे, गे आं परमप्रभु बाक्नीनी। गो इन लोव़ टिना टिन बाक्नुङ।
58गो आं थुं नेल्लेमी इन कली पुंइता। इन थोक्शा पशो लोव़ खोदेंशो पा, आं कली शिशी पाइय्यीनी।
59गो इन पतीके मिम्शा, इन देंशो लोव़ ङा लांम गाक्नुङ।
60गो इन शेंतीके रीब पा टीनुङ। गो देश मपाइनुङ।
61इन अरेशो लोव़ मटीबपुकीमी आं कली फ्रेंताक्यीमी हना यो, गो इन अरेशो लोव़ मप्रेंनुङ।