Text copied!
CopyCompare
परमप्रभु यावे आ लोव़ - भजन संग्रह - भजन संग्रह 119

भजन संग्रह 119:50-65

Help us?
Click on verse(s) to share them!
50गो श्‍येत जङानु, इन थोक्‍शा पशो लोव़मी आं कली लेम्‍शा ब्रोंइचा गेब।
51ठेयब लेश्‍शो मुरुमी आं कली शुश शुक्‍शी पाइनीम। तन्‍न गो इन अरेशो लोव़ मप्रोंइनुङ।
52परमप्रभु यावे, गो इन साइ ङोंइती ङा पतीक लोव़ मिम्‍शा, आं थुं नाइक्‍नुङ।
53इन अरेशो लोव़ प्रोंइब मुर आन पर्बम गो गाइश्‍शा चुरशा बाक्‍ती।
54गो ते बाक्‍ती हना यो, इन फुल्‍लुम मुशा ब्रेक्‍शो लोव़ आं कुम्‍सो दुम्‍शो बाक्‍तेक्‍म।
55परमप्रभु यावे, गो नाक्‍दो इन कली मिम्‍शा, इन अरेशो लोव़ पाइनुङ।
56गो आसीक राइब दुम्‍ती। मारदे हना गो इन ब्रेक्‍शा अरेशो लोव़ टिशा बाक्‍‍ती।
57परमप्रभु यावे, गे आं परमप्रभु बाक्‍नीनी। गो इन लोव़ टिना टिन बाक्‍नुङ।
58गो आं थुं नेल्‍लेमी इन कली पुंइता। इन थोक्‍शा पशो लोव़ खोदेंशो पा, आं कली शिशी पाइय्‍यीनी।
59गो इन पतीके मिम्‍शा, इन देंशो लोव़ ङा लांम गाक्‍नुङ।
60गो इन शेंतीके रीब पा टीनुङ। गो देश मपाइनुङ।
61इन अरेशो लोव़ मटीबपुकीमी आं कली फ्रेंताक्‍यीमी हना यो, गो इन अरेशो लोव़ मप्रेंनुङ।
62गो नाक्‍दो बोक्‍शा, इन निसाफ पतीक लोव़ आ पर्बम इन कली ठेयब सेल्‍नुङ। भजन संग्रह ४२:९
63गो इन कली मान पा हिंब नु इन ब्रेक्‍शा अरेशो लोव़ टीब आन वारच नङ।
64परमप्रभु यावे, रागी इन गेना हना यो दाक्‍तीकेमी ब्रीशो बाक्‍ब। इन फुल्‍लुम मुशा, ब्रेक्‍शो लोव़ शेंदीनी।
65परमप्रभु यावे, इन लोव़ खोदेंशो पा गे इन गेय पाइब कली रिम्‍शो पाइक्‍तीनी।

Read भजन संग्रह 119भजन संग्रह 119
Compare भजन संग्रह 119:50-65भजन संग्रह 119:50-65