39हिंचा ङा शुक्शी पाइक्चा पुंइसीतीक आं क्येङा ङोन वोतीन। मारदे हना इन पतीक लोव़ रिम्शो बाक्नीम।
40इन ब्रेक्शा अरेशो लोव़ शुश दाक्नुङ। इन निसाफ पतीकेमी आं कली ब्रोंइचा गेयीनी।
41परमप्रभु यावे, इन गेना हना यो दाक्तीक आं कली दुम्ल। इन थोक्शा पशो लोव़ खोदेंशो पा आं कली श्येत रे प्रोंइयीनी।
42मिनु गो आं कली शुक्शी पाइब आन कली लोव़ लेन्ने चाप्नुङ। मारदे हना गो इन लोव़ थमा सुइक्नुङ।
43गे इन थमा लोव़ पचा कली मतेक्यीनी। मारदे हना गो इन पतीक लोव़ आस पा बाक्नुङ।
44गो इन अरेशो लोव़ थमा पा गेना हना यो टीनुङ।
45मिनु गो सुइ क्येङा महिंथु बाक्नुङ। मारदे हना इन ब्रेक्शा अरेशो लोव़ माल्ता।
46गो पिप आन ङोंइती इन देंशो लोव़ आ पर्बम लोव़ पाइनुङ। मिनु मुने मदोक्नुङ। मत्ती १०:१८