Text copied!
CopyCompare
परमप्रभु यावे आ लोव़ - भजन संग्रह - भजन संग्रह 119

भजन संग्रह 119:133-147

Help us?
Click on verse(s) to share them!
133आं कली इन थोक्‍शा पशो लोव़ ङा लां गाक्‍पाइय्‍यीनी। मरिम्‍शो पतीकेम आं कली हुकुम पचा मगेने।
134आं कली मुर आन दिप्‍तीक रे प्रोंइयीनी। मिनु गो इन ब्रेक्‍शा अरेशो लोव़ पने चबुल।
135इन कुल इन गेय पाइब तार नां खोदेंशो पा ब्रपतीन। मिनु इन फुल्‍लुम मुशा ब्रेक्‍शो लोव़ आं कली शेंदीनी।
136गो ङाक्‍नुङ। मारदे हना मुरपुकीमी इन अरेशो लोव़ मटीम।
137परमप्रभु यावे, गे रिम्‍शो पाइब बाक्‍नीनी। मिनु इन पशो निसाफ ठीक बाक्‍नीम।
138गे इन देंशो लोव़ ठीक निसाफ पतीकेमी वोइक्‍तीनी। गो मेको कली थमा सुइक्‍नीकी।
139गो चुरना चुरन बाक्‍नुङ। मारदे हना आं कली खेदा पाइबपुकीमी इन लोव़ प्रेंताक्‍म। भजन संग्रह ६९:१०
140इन थोक्‍शा पशो लोव़ शुश रिम्‍शो बाक्‍ब। मिनु गो, इन गेय पाइबमी मेको दाक्‍नुङ।
141गो आइक्‍च बाक्‍नुङ। आं कली सुइमी महिक्‍नीम। मो हना यो गो इन ब्रेक्‍शा अरेशो लोव़ मप्रेंनुङ।
142इन निसाफ पतीके गेना हना यो ठीक बाक्‍ब। मिनु इन अरेशो लोव़ थमा लोव़ बाक्‍ब।
143गो हिंती नु श्‍येत जाइब दुम्‍ती हना यो, इन शेंतीकेम आं कली ग्‍येरपाइक्‍ब।
144इन देंशो गेना हना यो ठीक बाक्‍नीम। आं कली रुप्‍तीक थुं गेतीनी हना, गो ब्रोंइनुङ।
145गो आं थुं नेल्‍लेमी इन कली पुंइनुङ। परमप्रभु यावे आं लोव़ लेत्‍तीनी। गो इन फुल्‍लुम मुशा ब्रेक्‍शो लोव़ टिना टिन बाक्‍नुङ।
146गो इन कली “गे आं कली श्‍येत रे प्रोंइयीनी” दे पुंइनुङ। मिनु गो इन देंशो पाइनुङ।
147गो नां मदाप्‍थु बोक्‍शा, इन कली “वारच पाइय्‍यीनी” दे पुंइनुङ। गो इन लोव़ ङा लां कोव़ना कोव़न बाक्‍नुङ।

Read भजन संग्रह 119भजन संग्रह 119
Compare भजन संग्रह 119:133-147भजन संग्रह 119:133-147