102गो इन देंशो पतीक लोव़ रे ङोन मलङ। मारदे हना गे आं कली शेंताक्यीनी।
103इन देंशो लोव़ ब्रोव़शो बाक्ब। मेको खुदो क्येङा यो जिजी बाक्ब।
104इन ब्रेक्शा अरेशो लोव़ रे रुप्ब दुम्ती। मोपतीके गो दूली पतीक नेल्ल काइ मदाक्नुङ। भजन संग्रह ११९:२९
105इन लोव़ आं खोइली कली छेङछेङ बाक्ब, आं लां तचा कली रांको खोदेंशो बाक्ब। २पत्रुस १:१९
106गो इन निसाफ पतीक लोव़ पाइनुङ, दे कसम जशा खाप्ता।
107परमप्रभु यावे, गो शुश श्येत जाइनुङ, इन लोव़म देंशो खोदेंशो पा आं कली ब्रोंइचा गेयीनी।
108परमप्रभु यावे, गो इन कली ठेयब सेल्शो, चढ़ेतीक खोदेंशो पा ब्रने। मिनु आं कली इन पतीक लोव़ शेंदीनी। भजन संग्रह १९:१५
109गो गेना हना यो बेक्चा चिक्शा बाक्ती। मो हना यो गो इन अरेशो लोव़ मप्रेंनुङ।
110इन अरेशो लोव़ मटीबपुकीमी आं कली ब्वारद दाइश्शो बाक्नीम। मो हना यो इन ब्रेक्शा अरेशो लोव़ मप्रोंइनुङ।
भजन संग्रह 119
भजन संग्रह 119:102-110