11पुंइबमी पत्रुस नु यूहन्ना कली काइ मप्रोंइथु काथा गाक्शा, पिप सोलोमन नें वोइश्शो थाम पाइश्शो बाक्तीके जाक्दीम्मा बाक्त। मिनु एर ओंथ ङा मुर दोरशा जाक्शा पुम्दमे बाक्त। प्रेरित ५:१२; यूहन्ना १०:२३
12मिनु मोपा पुम्शो तशा, पत्रुसमी “इं इस्राएलीपुकी, एको मुर साशो तशा छक लाक्तीनी। मिनु गो आंस सक्तिम सापाइश्शो बाक्माक्त, फेस्तस दे मिम्तीनी? आंस सक्तिम सापाइश्शो ममाइ।
13इ किकी पिपी अब्राहाम, इसहाक नु याकूब आन परमप्रभु यावेमी आ गेय पाइब येसु कली ठेयब सेल्तु। गेपुकी चहिं मेको कली ग्याइक्पाइक्तीनी। पिलातसमी मेको कली प्रोंइचा थुं पवानु यो, गे मबिस्सीनी।
14तन्न गेपुकीमी परमप्रभु यावे आ योव़शो नु ठीक पाइब कली तिल्तीनी। मुर साइक्ब कली प्रोंइशा सोइक्चा कली पुंइतीनी। मत्ती २७:२०-२१
15मिनु गे ब्रोंइचा गेब कली साइक्तीनी। परमप्रभु यावेमी चहिं बेक्शो रे सेंताक्व। गो मेको तशा, सांकछी दुम्ताक्क।
16परमप्रभु आ सक्ति येसु नु बाक्ब। मिनु येसु आ नें थिशा थमा सुइश्शा, सक्ति पाइश्शो गेय पचा तांइसीब, दे थमा सुइक्नीकी। मिनु आंइ कली थमा सुइश्शो तशा, परमप्रभुमी एको मुर कली सापाइश्शा कोंइताक्व। मिनु साशा सेस दुम्शो ताइतीनी।