21एथेन्स ङा मुर नु एथेन्स सहरमी बाक्ब नेल्लेमी नक नक लोव़ पचा नु नेंचा कली नाक्त किंत किंत हिरशा माल्शा बाक्बाक्मा बाक्त।
22मिनु पावल अरीयोपागसमी राप्शा “एथेन्स सहरम बाक्बपुकी, गो इन सहरमी हिरशा गाक्ङानु, तेइ तेइ मूर्ति सेल्शा वोइश्शो ताता। मोपतीके गे मूर्ति आन कली सेउ पाइबाक्तीनी, पूजा पाइबाक्तीनी, दे रुप्ता।
23इन पूजा पशो मूर्ति कोव़ना कोव़न गाक्ङानु, मूर्ति कामी ‘मतुइश्शो देवता’ दे मुशा ब्रेक्शा वोइश्शो ताता। मुल सम्म इन मतुइक्थु मानेशो परमप्रभु आ पर्बम गो इन कली शेंथ जाक्ती।
24सरीङ रागीमी मार मार बाक्मा मेको नेल्ल परमप्रभुमी सेल्शो नम। मोपतीके सरीङ रागी सेल्ब परमप्रभु मुरुमी सेल्शो थान मन्दीरमी मबाक्ब। १कोरिन्थी ८:२७
25मुरपुकीमी परमप्रभु कली मारेइ गेचा ममाल्नीमी। आं कका रागीमी बाक्ब नेल्ल आन कली ब्रोंइतीक सोक्त नु आन माल्शो नेल्ल गेशो बाक्ब। भजन संग्रह ५०:९-१२
26ङोंइती मुर का सेल्शा, मेको मुर रे पा नेल्ल रागी ङा मुर सेल्तीमी। दोशो ब्रोंइचा, ते बाक्चा, मेको नेल्ल परमप्रभुमी पने थुम्शो बाक्ब। ब्यवस्था ३२:८
27मुरपुकीमी परमप्रभु यावे कली माल्शा थिश्शा, मुर आन कली सेल्शा रागीमी वोइक्तीमी। मेको मुर आन क्येङा ङोन मबाक्ब, इं नेक्थान बाक्शो बाक्ब। यसैया ५५:६