2मेको कप्तान परमप्रभु यावे कली मान पा हिंब मुर बाक्माक्त। आ खिं ङा मुर नेल्लेमी यो आ खोदेंशो पा प्रभु कली मान पा टीबाक्मा बाक्त। मेको कप्तानमी मारेइ मथीब आन कली शिशी पा शुश वारच पाइबाक्माक्त। परमप्रभु कली प्रार्थना पना पन बाक्बाक्माक्त।
3मिनु काबु ३ बजे ङा प्रार्थना पची ना कोंइतीक का तवा बाक्त। मेको कोंइतीकेमी परमप्रभु यावे आ स्वर्ग ङा गेय पाइब का आ बाक्तीकेमी जाक्शा “ए कोरनेलीयस” देंमेनु,
4कोरनेलीयसमी हिंशा, कोव़स ङा कोव़स पा “मार देंनी, प्रभु” देंमेनु “इ प्रार्थना पशो, प्रभु कली मान पा टिशो, इ शिशी पा वारच पशो नेल्ल परमप्रभु यावेमी तुइश्शो बाक्ब।
5मुल गे योप्पा सहरमी बाक्शो सिमोन पत्रुस नें पाइश्शो मुर कली ब्रथ सोइक्तो।
6मेको सिमोन पत्रुस कुशुल नोक्ब सिमोन आ खिंमी बाक्ब। मेको आ खिं चहिं समुन्द्र आ नेक्था बाक्ब” देंशा लशो नेना बाक्त। प्रेरित ९:४३
7मोदेंशो लोव़ देंशो नेंशा, आ गेय पाइब निक्शी नु सिपाही का कली ब्रेत्ता बाक्त। सिपाही यो प्रभु कली मान पा टीब का बाक्माक्त।
8मिनु मेको मुर सां आन कली मार दुम्मे, दोदेंशो लोव़ नेंना, मेको लोव़ नेल्ल शेंशा, पत्रुस कली माल्शा, चाक्चा, दे योप्पा सहर सोइक्तीमी बाक्त। प्रेरित ११:५-१७
प्रेरित 10
प्रेरित 10:2-8