10मिनु ङोइश्शा बाक्मेनु, शोव़लु बेक्शा जज दाक्माक्त। खिं ङा मुरपुकी चहिं क्येना क्येन बाक्मा बाक्त। मिनु पत्रुसमी प्रभुमी कोंइशो कोंइतीक तवा बाक्त।
11दोदेंशो तवा बाक्त देंशा हना, सरीङ रोक्सीशा ठेयब वा का हाम्सीशा क्युक्सीशो खोदेंशो पा खप गे यिशो तवा बाक्त।
12मेको वामी मब्वचा ङा, ग्रांग्रा दिचा ङा जन्तु बुस्स चिक्ब बाक्मा बाक्त।
13मिनु “ए पत्रुस, एको आन कली साइश्शा ब्वामी” देंशो नेंना बाक्त।
14मिनु पत्रुसमी “हत्तेरी ओदेंशो ग्रांग्रा दिचा ङा दोपा ब्वचा नमी ङा, प्रभु? ओदेंशो ग्रांग्रा दिचा ङा गो गेनायो मब्वशो नङ” देंमाक्त। लेवी ११:-; इजीकीएल ४:१४
15मिनु लेंशा “परमप्रभु यावे आ चोव़खो सेल्शो कली ग्रांग्रा मदित्तो” देंशो नेंना बाक्त। रोमी १४:१४
16खेयप सां मोदेंशो दुम्शा, मेको ठेयब वा सरीङ गे लशो तवा बाक्त।
17मिनु पत्रुसमी छक लाक्शा एको मार बाक्म माइ, दे मिम्ना मिम्न बाक्माक्त। पत्रुस मोदेंशो मिम्स ङा मिम्स बाक्मेनु, कोरनेलीयसमी सोइश्शो मुरपुकी कुशुल नोक्ब सिमोन आ खिंमी जाक्दीश्शा, लाप्चो आ ङोंइती राप्शा कोव़शा
प्रेरित 10
प्रेरित 10:10-17