1आं दाक्शो मीश आल, गे दारशो बाक्नेवे। गे थाम्पा दारशो बाक्नेवे। इ मिक्च इ सुम्तीके आगाम ख्रुइश्शो ढुकुर आ मिक्च खोदेंशो बाक्ब। इ चां गिलाद डांडा रे पा ब्रुप्शो क्यारश आन हुल खोदेंशो बाक्ब।
2इ ख्रुइ चां प्रेक्शा चिक्शो भेडा आन हुल खोदेंशो बाक्ब। मेको नेल्ल आन के जौंले पाठा बाक्ब। नेल्ल मोदेंशो बाक्नीम। ठेयब कुम्सो ६:५-६
3इ शुंइच लल डोरी खोदेंशो बाक्ब। इ शोव़ थम दारशो बाक्ब। इ सुम्तीके आगाम इ चोव़चो चेश्शो दारीम खोदेंशो बाक्नीस। ठेयब कुम्सो ६:७
4इ शुर दाऊद आ लाइश्शो खिं खोदेंशो बाक्ब। मेकेर हजार का तेक्तीक क्युक्शो बाक्नीम। मेको नेल्ल लडाइ पाइब आन तेक्तीक बाक्नीम।
5इ दूध निक्शी क्यारश पाठा खोदेंशो बाक्नीस। मेको लिली फू आन दातेमी जोइब किश्श आ जौंले पाठा खोदेंशो बाक्नीस। ठेयब कुम्सो ७:३
6ग्यू दुम्चा नु वांकु जाम्शा लचा क्येङा ङोंइती, गो ब्रोव़शो रिना पाइब डांडा नु धूप बाक्शो डांडा लाइनुङ। ठेयब कुम्सो २:१७
7आं दाक्शो मीश आल गे नेल्लेम दारशो बाक्नेवे। इ के मारेइ मरिम्शो मबाक्ब।
ठेयब कुम्सो 4
ठेयब कुम्सो 4:1-7