Text copied!
CopyCompare
परमप्रभु यावे आ लोव़ - गन्‍ती - गन्‍ती 20

गन्‍ती 20:5-13

Help us?
Click on verse(s) to share them!
5गे मारदे आंइ कली इजीप्‍त रे एको मरिम्‍शो रागीम चाक्‍नी। एको रागीम अन्‍न, फोव़शी, अङगुर नु अनार मारेइ मथिंसीब। एकोक्‍के तूचा कली ब्‍वाक्‍कु यो मबा” देंतेक्‍म।
6मिनु नोले मोसा नु हारून मुर आन बाक्‍तीक रे लशा, ग्रुम्‍तीक ताम्‍बु आ ओव़तीकेमी खुम्‍की पा बाप्‍ताक्‍स। मिनु परमप्रभु यावे आ छेङछेङ मेको आस ङोंइती ग्रूत।
7मिनु परमप्रभु यावेमी मोसा कली
8“एको कोक्‍के लतो। मिनु गे नु इ लोक्‍ब हारून लशा, मुर आन कली पुक्‍कीस। मिनु मेको आन ङोंइतीन एको फुल्‍लु कली हुकुम पावो। मिनु फुल्‍लु रे ब्‍वाक्‍कु यीब। मिनु गे मुर आन ङोंइती एको सेरथे फुल्‍लु कली ‘ब्‍वाक्‍कु बुक्‍को’ दे मतो। मोपा गे मुर आन कली मेको सेरथे फुल्‍लु रे ब्‍वाक्‍कु यिपाइक्‍नेवे। गे मोपा मुर नु मेको आन बी ब्‍यफ क्‍यारश भेडा आन कली तूचा गेनेवे” देंत।
9मिनु मोसामी मेको कोक्‍के परमप्रभु यावेम देंशो खोदेंशो पा ताक्‍तु। गन्‍ती १७:२५
10मिनु मोसा नु हारूनमी मुर नेल्‍ल आन कली सेरथे फुल्‍लु आ ङोंइती पुक्‍ताक्‍स। मिनु मोसाम मेको आन कली “गे गन गन पाइबपुकी नेनीन। मार, गो एको सेरथे फुल्‍लु रे इन कली ब्‍वाक्‍कु बुक्‍पाइश्‍शा गेन्‍नी?” दे माइक्‍तीमी। भजन संग्रह १०६:३२-३३
11मिनु मोसामी आ गुइ क्‍युक्‍शा आ कोक्‍केमी निक्‍शी खेयप मेको सेरथे फुल्‍लु कली तुप्‍तु। मिनु मेकेर शुश ब्‍वाक्‍कु बुक्‍शा ग्रूत। मिनु मुरपुकी नु आन बी ब्‍यफ, क्‍यारश भेडामी तूतेक्‍म।
12तन्‍न परमप्रभु यावेमी मोसा नु हारून आस कली “गे आं कली थमा मसुइक्‍तीके नु आं ठेयब सक्ति इस्राएली आन ङोंइती मकोंइतीके, गे एको मुर आन कली गो इन कली गेशो रागीम चाक्‍दीत्‍चा मताइनीसी” देंत। गन्‍ती २७:१४; ब्‍यवस्‍था १:३७; ब्‍यवस्‍था ४:२१; ब्‍यवस्‍था ५०:५१
13मोपतीके मेको ब्‍वाक्‍कु कली मेरीबा ङा ब्‍वाक्‍कु देंसीब। मेकेर इस्राएलीपुकीमी परमप्रभु यावे कली जिचा तोम्‍तेक्‍म। मिनु मेकोमी आ सक्ति कोंइताक्‍व। भजन संग्रह ८१:८

Read गन्‍ती 20गन्‍ती 20
Compare गन्‍ती 20:5-13गन्‍ती 20:5-13