3मेकोपुकी इ कली वारच पशा, ताम्बु ङा गेय पचा माल्नीम। तन्न मेकोपुकीम ताम्बु ङा मार मार थिचा मदुम्नीम। मिनु चढ़ेतीक आ नेक्था जाक्चा मदुम्नीम। मो पाम्तेक्म हना, मेकोपुकी नु गे यो बेक्नीनी।
4मेकोपुकीम इन अरेशो टिशा, ग्रुम्तीक ताम्बु ङा मारेइ मारेइ गेय पचा माल्नीम। गे इन ङा लाक्शा अरु सुइम मेको गेय पचा मताइनीम।
5मिनु गे इस्राएली आन दातेमी लेंशा गाइक्तीक गेनायो मजाक्ल, दे परमप्रभु यावे आ बाक्तीक नु चढ़ेतीक ङा गेय आंमा पचा माल्नेवे। गन्ती १७:११
6मिनु गो मुल इस्राएली आन दाते रे इ लोक्ब लेवी आन कली योव़नुङ। गो मेको इ कली गेनुङ। मेकोपुकी ग्रुम्तीक ताम्बु ङा गेय पचा कली आं कली जिम्मा गेशो बाक्नीम। गन्ती ३:१२,४५
7तन्न गे नु इ तौपुकीम चढ़ेतीक नु फारशो वा आगा ङा कोठा ङा गेय थम रिम्शो पा पने। चढ़ेतीक गेय इन कली गेतन्नी। अरु सुइ मेकेर जाक्तेक्म हना, मेको साइक्चा पुंइसीनीम” देंत। गन्ती १:५१
8मिनु परमप्रभु यावेमी हारून कली “गो आं कली चढ़ेशो इ कली गेतन। इस्राएलीपुकीमी आं कली चढ़ेशो नेल्ल गेतन। मेको इ कली नु इ तौ आन कली चढ़ेतीक गेय पशो ङा गेना हना यो इन भाग बाक्ब। लेवी ३:२,१०; लेवी ६:९-११,१९-२२; लेवी ७:६-१०
9मिनु मी रे पा प्रोंइशा आं कली चढ़ेशो इन कली मार बाक्ब देंशा हना, मेको आं कली नेल्ल क्येङा चोव़खो चढ़ेशो अन्न चढ़ेशो बाक्त हना यो, पाप आ पर्बम चढ़ेशो बाक्त हना यो नु गारचा आ पर्बम चढ़ेशो नेल्ल इ कली नु इ तौ आन कली बाक्ब।
10मिनु मेको इन कली नेल्ल क्येङा चोव़खो जचा थोव़क बाक्ब। मेको इन दाते ङा वोंइश मुर नेल्लेमी जने चाप्नीम। मेको इन कली चोव़खो बाक्ब। लेवी ६:९; लेवी १०:१२,१४
11मिनु इस्राएलीपुकीमी क्युक्शा चढ़ेतीक चढ़ेम्तेक्म हना, मेको तिल्शो नेल्ल इ कली नु इ तमी तौ आन कली गेना हना यो इन भाग बाक्ब, दे गेतन्नी। इ खिंम ग्रांग्रा मदिशो बाक्शो सुइ सुइमी मेको जने चाप्नीम।
12मिनु मेकोपुकीमी परमप्रभु यावे कली गेशो नेल्ल क्येङा रिम्शो तेल, नेल्ल क्येङा रिम्शो अङगुर शांबु, अन्न नु रिम्शो मारेइ मारेइ गो इ कली गेतन।
13मेकोपुकीमी परमप्रभु यावे कली चढ़ेथ चाक्शो आन ङोंइती मीशो फल फुल नेल्ल इं केन दुम्ब। इ खिंमी ग्रांग्रा मदिशो बाक्शो मुर नेल्लेमी मेको जने चाप्नीम। प्रस्थान २३:१९; ब्यवस्था १८:३-४
14इस्राएलम आं कली चढ़ेशो मारेइ मारेइ इ केन बाक्ब। लेवी २७:२८
15मिनु परमप्रभु यावे कली चढ़ेशो, मुर आन ङोंइती जरमेशो, बी ब्यफ क्यारश भेडा आन ङोंइती जरमेशो नेल्ल इ केन बाक्नीम। मो दुम्त हना यो, गे मुर आ ङोंइती जरमेशो कली प्रोंइचा माल्नेवे। ग्रांग्रा दिशो बस्तु भाव आन ङोंइती जरमेशो यो प्रोंइचा माल्नेवे। प्रस्थान १३:२; प्रस्थान ३४:१९-२०
16मेको आन कली प्रोंइतीक क्येट महिना का गाप्शो कली चांदी के ५ शेकेल ताक्चा माल्नेवे। मेको ताम्बु ङा शेकेल बाक्चा माल्नीम। मेको ताम्बु ङा शेकेल का २० गेराह ङा बाक्ब। गेराह का ०.६ ग्राम बाक्ब। ताम्बु ङा शेकेल का १२ ग्राम ङा क्येट बाक्ब।लेवी २७:६,२७
गन्ती 18
गन्ती 18:3-16