29तन्न मोसामी मेको कली “मार, आं पर्बम गे ईख पाइब दुमे? परमप्रभु यावेमी आ सोक्त आ मुर नेल्ल आन तार वोइश्शा, मेको नेल्ल परमप्रभु यावे आ लोव़ पाइब दुम हना, गिश रिम्शो दुम वा” देंत। योएल ३:१; मर्कूस ९:३८-३९
30मिनु मोसा नु इस्राएली खाल्पा मुर आन बाक्तीके लेत्तेक्म।
31मिनु नोले परमप्रभु यावेमी फश पपाइक्तु। मिनु मेको फशेमी समुन्द्र रे बटटाइपुकी चाक्तु। मिनु मुर आन बाक्तीक आ एर ओंथ नेल्ल नाइक्पाइक्तु। काबु ङा नाक्त ङा लां सम्म कुबीत निक्निक्शी थांइशो पा नांइसाक्म। कुबीत का ०.५ मिटर खोदेंशो बाक्ब।प्रस्थान १६:१३
32मिनु मुरपुकीमी मेको नाक्त रे, नाक्दो रे नु आ दीसा नाक्त सम्म मेको ग्याइक्ताक्म। नेल्ल क्येङा इच्का खोइ ग्याइक्बमी यो १० होमेर ग्याइक्ताक्मे। मिनु मेकोपुकीम आन बाक्तीक एर ओंथ नेल्ल सोव़पाइक्तेक्म। होमेर का २२० लिटर रिक्ब पुक्तीके का बाक्ब।
33तन्न मेकोपुकीमी श्ये ब्वना ब्वन परमप्रभु यावे मेको आन पर्बम शुश गाइक्ताक्व। मिनु परमप्रभु यावेमी मेको आन कली थम ठेयब बेक्तीक रोइ पपाइक्तीमी।
34मोपतीके मेको बाक्तीके आ नें किब्रोथ-हत्तावा वोइक्तेक्म। मारदे हना मेकेर शुश वाल्ब मुर आन कली थिम्तेक्म।
गन्ती 11
गन्ती 11:29-34