20थमा पा रागीमी मारेइ मारेइ ठीक पाइब नु गेनायो पाप मपाइब सुइ मबाक्नीम। भजन संग्रह १४:३
21मुरपुकीमी देंशो लोव़ नेल्ल मनेनो। मो पाप्तीवी हना इ वाइलीमी इ कली सराप पशो नेंनेवे।
22मारदे हना गे गिश खेयप अरु आन कली सराप पवी, मेको इ थुंम बाक्ब।
23गो मारेइ मारेइ जोक्तीक तुइक्तीकेम नाक्शा कोव़ता। मिनु गो “थमा पा जोक्ब तुइक्ब दुम्नुङ” देंती। तन्न रुप्ने मचबु।
24शुश ङोन बाक्ब नु शुश लुक्च लशो थोव़क सुम तुइक्ने चाप्बा ङा?
25मोपतीके गो जोक्तीक तुइक्तीक नु नेल्ल तुइक्चा थुं पाता। मिनु परमप्रभु आ अरेशो मटिचा मूर्ख गेय बाक्ब। मिनु मूर्ख गेयमी निप्स ग्यशो दुम्शो बाक्ब। भजन संग्रह १४:१
26मेको बेक्तीक क्येङा मरिम्शो ब्वारद दाइश्शो खोदेंशो मीश मुर बाक्त। मेको आ थुं थेम्लु नु मेको आ गुइ चहिं पाइक्तीक साङलो बाक्त। सुम परमप्रभु कली ग्येरपाइक्बा, मेको रे ब्रोंइब। तन्न मेकोमी पाप पाइब कली चहिं आ ग्याइलीम रेप्ब। हितोपदेस २:१६-२२
27शेंबमी “गो मार तुइक्तु, मेको नेनीन। गो नेल्ल रिम्शो पा तुइक्चा कली नाक्ताक्ङ।
28गो रिम्शो मुर माल्ना माल्न बाक्ङानु हजार का वोंइश मुर आन दातेमी मुर का ला रिम्शो पाइब थित्ता। तन्न मीश मुर आन दातेमी का यो मथिदु।