11जोक्तीक तुइक्तीके किकी पिपी आन गेशो शोंप खोदेंशो पा रिम्शो बाक्ब। मिनु मेकोमी ब्रोंइब आन कली रिम्शो पाइब।
12दोपा क्येटीम मुर आन कली वारच पाइबा, मोपा जोक्तीक तुइक्तीकेम यो मुर आन कली वारच पाइब। मिनु जोक्तीक तुइक्तीकेमी मुर आन कली ब्रोंइचा गेब। हितोपदेस ३:१-२
13परमप्रभु आ गेय मिम्तीन। मेको आ रोप्शो थोव़क कली सुमी दिंपाइक्ने चाप्बा ङा? उपदेसक १:१५
14नाक्त रिम्शो दुम्मेनु ग्येरसीन। तन्न नाक्त मरिम्शो दुम्मेनु मिम्तीन। मेको निम्फा परमप्रभुमी सेल्शो बाक्ब। मोपा मुरुमी नोले आंम कली मार दुम्बा, दे मतुइक्नीम।
15गो आं इच्का नाक्त ब्रोंइतीकेमी ठीक पाइब मुर आ ठीक पशोमी खतम दुम्शो नु मरिम्शो मुर आ मरिम्शो पशोमी शुश बर्स ब्रोंइशो ताता। उपदेसक ८:१४; भजन संग्रह ७३:१२-१४
उपदेसक 7
उपदेसक 7:11-15