7गो वाइलपुकी चहिं शारा ङोइश्शा नु सासन पाइब आ तौ चहिं वाइल खोदेंशो पा खोइलीम गाक्शो तशो बाक्नुङ।
8बिक्तीक दोइब मुर मेको आंमान बिक्ने चाप्ब। मिनु गारो प्रेप्ब कली बुस्सुमी कोक्ने चाप्ब। हितोपदेस २६:२७
9फुल्लु ख्रोइक्ब मुर गार दुम्ने चाक्ब। मिनु शी ख्रोइक्ब मुर आ गेय रे श्येत जने चाप्ब।
10खा महेश्शो बाक्त हना, मेको कली शुश बोल माल्ब। तन्न जोक्तीक तुइक्तीकेम मेको कली रिम्शो सेल्ब।
11बुस्स कली लाटा सेल्चा क्येङा ङोंइती कोक्तु हना, बुस्स चलेब कली मारेइ रिम्शो मदुम्ब। बजन संग्रह ५८:५-६
12जोक्ब तुइक्ब मुर ब्वाक्मेनु, मान ताइब। तन्न मूर्ख चहिं आ लोव़मीन खतम दुम्ब।
13मेकोमी ङोंइती मूर्ख लोव़ पाइब। मिनु नोले बौला नु निप्स ग्यशो लोव़ पाइब।
14मूर्ख मुर ब्वाक्स ङा ब्वाक्स पाइब। मार दुम्बा, सुइम मतुइक्नीम। मेको आ नोले मार दुम्बा, मेको सुम देंने चाप्बा ङा? उपदेसक ५:२; उपदेसक ८:७
15मूर्ख आ श्येत पा पशो गेयमी दाइब। मेकोमी सहर लतीक लां यो मतुइक्ब।
16आबी, तेको रागी ङा पिप आल का बाक्बा, तेको रागी ङा सासन पाइबपुकीमी सुनी कना भोज जाइनीमी, मेको रागी खतम दुम्शा लाइब। यसैया ३:४; यसैया ५:११
17तेको रागीमी रिम्शो खिं ङा मुर पिप दुम्बा, मेको रागी ग्येरसीशो बाक्ब। मेको रागी ङा सासन पाइब भोज जची ना जाइनीम। मेकोपुकी दुक्चा कली ममाइ बोल तचा कली जाइनीम।
उपदेसक 10
उपदेसक 10:7-17