ܡܙܡܘܪ̈ܐ 94:8-19

⁸ܡܲܣܸܡܘܼܢ ܒܵܠܵܐ، ܝܵܐ ܐܲܗܡܲܩܹ̈ܐ ܕܓܵܘ ܥܲܡܵܐ؛ ܐܝܼܡܲܢ ܒܸܬ ܦܲܪܡܹܝܬܘܿܢ، ܝܵܐ ܣܲܟ݂ܠܹ̈ܐ؟

⁹ܢܵܨܒ݂ܵܢܵܐ ܕܢܵܬܵ‌ܐ، ܗܵܐ، ܠܹܐ ܫܵܡܹܥ؟ ܝܲܢ ܓܵܒ݂ܠܵܢܵܐ ܕܥܲܝܢܵܐ، ܗܵܐ، ܠܹܐ ܚܵܙܹܐ؟

¹⁰ܬܲܠܡܸܕܵܢܵܐ ܕܐܸܡܘܵܬܹ̈‌ܐ، ܗܵܐ، ܠܹܐ ܡܲܢܟܸܣ، ܗ̇ܘ ܕܟܹܐ ܡܲܠܸܦ ܝܕܵܥܬܵ‌ܐ ܠܒܲܪܢܵܫܵܐ؟

¹¹ܡܵܪܝܵܐ ܟܹܐ ܝܵܕܹܥ ܚܘܼܫܵܒܹ̈ܐ ܕܐܢܵܫܵܐ ܕܣܪܝܼܩܘܼܬܵ‌ܐ ܝܢܵܐ.

¹²ܛܘܼܒ݂ܵܐ ܠܐܢܵܫܵܐ ܕܬܲܠܡܸܕܸܬ ܠܹܗ، ܝܵܐ ܡܵܪܝܵܐ، ܘܡ̣ܢ ܢܵܡܘܿܣܘܼܟ݂ ܡܲܠܦܸܬ ܠܹܗ،

¹³ܠܝܼܵܗܒܹܗ ܢܝܵܚܵܐ ܡ̣ܢ ܝܵܘܡܵܢܹ̈ܐ ܕܒܝܼܫܬܵ‌ܐ، ܗܲܠܔ ܕܦܵܐܹܫ ܚܦܝܼܪܵܐ ܓܘܼܒܵܐ ܠܪܲܫܝܼܥܵܐ.

¹⁴ܣܵܒܵܒ ܠܹܐ ܪܲܦܹܐ ܡܵܪܝܵܐ ܠܥܲܡܹܗ، ܘܠܝܵܪܬܘܼܬܹܗ ܠܹܐ ܫܵܒܹܩ.

¹⁵ܣܵܒܵܒ ܠܙܲܕܝܼܩܘܼܬܵ‌ܐ ܒܸܬ ܕܵܝܪܵܐ ܕܝܼܘܵܢ، ܘܒܸܬ ܐܵܙܠ݇ܝܼ ܒܵܬܪܘܼܗ̇ ܟܠܵܝܗ‌ܝ ܬܪ̈ܘܼܨܹܐ ܕܠܸܒܵܐ.

¹⁶ܡܵܢܝܼ ܒܸܬ ܩܵܐܹܡ ܩܵܬ‌ܝܼ ܕܲܠܩܘܼܒ݂ܠܔ ܕܥܵܒ݂ܕܵܢܹ̈ܐ ܕܒܝܼܫܬܵ‌ܐ؟ ܡܵܢܝܼ ܒܸܬ ܟܵܠܹܐ ܩܵܬ‌ܝܼ ܕܲܠܩܘܼܒ݂ܠܔ ܕܦܵܠܚܵܢܹ̈ܐ ܕܥܵܘܠܵܐ؟

¹⁷ܐܸܢ ܠܵܐ ܗܵܘܹܐ ܗܘܵܐ ܡܵܪܝܵܐ ܗܲܝܲܪܬܵ‌ܐ ܐܸܠܝܼ، ܒܵܬܪ ܚܲܕܟ̰ܵܐ ܒܸܬ ܫܵܪܝܵܐ ܗܘܵܐ ܓܵܢܝܼ ܒܕܘܼܝܵܪܵܐ ܕܫܸܬܩܵܐ.

¹⁸ܐܸܢ ܐܡܝܼܪܝܼ: ”ܓ̰ܪܝܼܛ ܠܵܗ̇ ܐܲܩܠܝܼ،“ ܛܲܝܒܘܼܬܘܼܟ݂، ܝܵܐ ܡܵܪܝܵܐ، ܟܹܐ ܣܵܢܕܵܐ ܠܝܼ.

¹⁹ܟܲܕ ܙܵܝܕܝܼ ܚܲܡܝܼ̈ ܒܓܵܘܝܼ، ܒܘܼܝܵܐܘܼ̈ܟ݂ ܟܹܐ ܡܲܚܕܝܼ ܠܓܵܢܝܼ.