ܡܙܡܘܪ̈ܐ 77:16-20

¹⁶ܚܙܹܐ ܠܗܘܿܢ ܐܸܠܘܼܟ݂ ܡ̈ܝܼܵܐ، ܝܵܐ ܐܲܠܵܗܵܐ، ܚܙܹܐ ܠܗܘܿܢ ܐܸܠܘܼܟ݂ ܡ̈ܝܼܵܐ ܘܪܘܼܬܪܸܬ ܠܗܘܿܢ، ܐܘܼܦ ܪܓܝܼܕ ܠܗܘܿܢ ܬܗܘܿܡܹ̈ܐ.

¹⁷ܥܢܵܢܹ̈ܐ ܫܘܼܦܸܟ݂ ܠܗܘܿܢ ܡ̈ܝܼܵܐ، ܩܘܼܪܩܸܡ ܠܗܘܿܢ ܫܡܲܝܹ̈ܐ، ܐܘܼܦ ܓܹܐܪ̈ܘܼܟ݂ ܣܛܹܐ ܠܗܘܿܢ.

¹⁸ܩܵܠܵܐ ܕܩܲܪ̈ܩܲܡܝܵܬܘܼܟ݂ ܒܓܵܪܕܵܒܘܼܠܹܐ، ܒܘܼܗܪܸܢܗܘܿܢ ܒܸܪ̈ܩܹܐ ܠܒܪܝܼܬܵ‌ܐ، ܪܓܝܼܕ ܠܵܗ̇ ܘܕܘܼܪܘܸܕ ܠܵܗ̇ ܐܲܪܥܵܐ.

¹⁹ܒܝܵܡܵܐ ܝܼܗܘܵܐ ܐܘܼܪܚܘܼܟ݂، ܘܫܒ݂ܝܼܠܘܼܟ݂ ܝܼܗܘܵܐ ܒܡ̈ܝܼܵܐ ܪܵܒܵܐ، ܘܫܵܘܦܵܦܹ̈ܐ ܕܐܲܩܠܘܼ̈ܟ݂ ܠܵܐ ܦܝܼܫ ܠܗܘܿܢ ܚܸܙܝܹܐ.

²⁰ܡܗܘܼܕܹܐ ܠܘܼܟ݂ ܐܲܝܟ݂ ܥܸܪ̈ܒܹܐ ܠܥܲܡܘܼܟ݂، ܒܐܝܼܕܵܐ ܕܡܘܼܫܹܐ ܘܕܐܲܗܪܘܿܢ.