ܡܙܡܘܪ̈ܐ 69:4-31

⁴ܒܘܼܫ ܪܵܒܵܐ ܝܢܵܐ ܡ̣ܢ ܡܸܙܝܵܬܹ̈‌ܐ ܕܪܹܝܫܝܼ ܣܵܢܝܵܢܝܼ̈ ܕܠܵܐ ܥܸܠܬܵ‌ܐ، ܙܘܼܪܒܸܢܗܘܿܢ ܛܲܠܩܵܢܝܼ̈، ܕܸܫ̃ܡܸܢܝܼ̈ ܕܒܕܘܼܓܠܵܐ، ܡܘܼܕܸܪܝܼ ܡܸܢܕܝܼ ܕܠܹܐ ܝܘܸܢ ܗܘܵܐ ܟ̰ܠܝܼܓ̰ܵܐ.

⁵ܝܵܐ ܐܲܠܵܗܵܐ، ܐܲܢ݇ܬ ܟܹܐ ܝܵܕܥܹܬ ܣܲܟ݂ܠܘܼܬ‌ܝܼ، ܘܓܢܵܗ‌ܝܼ̈ ܡܸܢܘܼܟ݂ ܠܹܐ ܝܢܵܐ ܛܸܫܝܹܐ.

⁶ܠܵܐ ܢܵܟ݂ܦܝܼ ܒܘܼܬ ܕܝܼܝܼ ܣܵܒܪ̈ܵܢܹܐ ܐܸܠܘܼܟ݂، ܝܵܐ ܡܵܪܝܵܐ ܐܲܠܵܗܵܐ ܚܲܝܠܬܵܢܵܐ؛ ܠܵܐ ܦܵܝܫܝܼ ܢܟ݂ܝܼܦܹܐ ܒܘܼܬ ܕܝܼܝܼ ܛܵܥܝܵܢܹ̈ܐ ܕܐܸܠܘܼܟ݂، ܝܵܐ ܐܲܠܵܗܵܐ ܕܐܝܼܣܪܵܐܹܝܠܔ.

⁷ܣܵܒܵܒ ܒܘܼܬ ܕܝܼܘܼܟ݂ ܩܘܼܒܸܠܔ ܠܝܼ ܠܵܘܡܵܐ، ܟܘܼܣܹܐ ܠܵܗ̇ ܢܟܸܦܬܵ‌ܐ ܠܦܵܬ‌ܝܼ.

⁸ܩܵܪܝܼܒܵܝܵܐ ܗܘܹܐ ܠܝܼ ܠܐܲܚܘܿܢܘܵܬ‌ܝܼ̈، ܘܢܘܼܟ݂ܪܵܝܵܐ ܠܒܢܘܿܢܹ̈ܐ ܕܝܸܡܝܼ.

⁹ܣܵܒܵܒ ܛܢܵܢܵܐ ܕܒܲܝܬܘܼܟ݂ ܩܵܡ ܐܵܟܹܠܔ ܠܝܼ، ܘܠܵܘܡܹ̈ܐ ܕܠܵܝܡܵܢܘܼ̈ܟ݂ ܢܦܝܼܠܔ ܠܗܘܿܢ ܥܲܠܝܼ.

¹⁰ܘܒܟܹܐ ܠܝܼ ܓܵܘ ܓܵܢܝܼ ܒܨܵܘܡܵܐ، ܘܗܘܹܐ ܠܹܗ ܠܠܵܘܡܵܐ ܐܸܠܝܼ.

¹¹ܘܥܒ݂ܝܼܕ ܠܝܼ ܠܒ݂ܝܼܫܬ‌ܝܼ ܣܲܩܵܐ، ܘܗܘܹܐ ܠܝܼ ܐܸܠܵܝܗ‌ܝ ܠܡܲܬܠܵܐ.

¹²ܟܹܐ ܗܲܡܙܸܡܝܼ ܒܘܼܬ ܕܝܼܝܼ ܝܵܬܒ݂ܵܢܹ̈ܐ ܒܕܲܪܘܵܙܵܐ، ܘܗܘܹܐ ܠܝܼ ܙܡܵܪ̈ܝܵܬܹ‌ܐ ܠܫܵܬܝܵܢܹ̈ܐ ܕܫܲܟ݂ܪܵܐ.

¹³ܐܝܼܢܵܐ ܐܵܢܵܐ، ܨܠܘܿܬ‌ܝܼ ܐܸܠܘܼܟ݂ ܝܠܵܗ̇، ܝܵܐ ܡܵܪܝܵܐ، ܒܙܲܒ݂ܢܵܐ ܡܩܲܒܠܵܐ، ܝܵܐ ܐܲܠܵܗܵܐ، ܒܦܸܪܝܘܼܬܵ‌ܐ ܕܛܲܝܒܘܼܬܘܼܟ݂، ܓ̰ܲܘܸܒ ܠܝܼ ܒܫܲܪܝܼܪܘܼܬܵ‌ܐ ܕܦܘܼܪܩܵܢܘܼܟ݂.

¹⁴ܦܲܨܝܼ ܠܝܼ ܡ̣ܢ ܛܝܼܢܵܐ ܕܠܵܐ ܛܵܒܥܹܢ، ܦܵܝܫܹܢ ܦܘܼܨܝܵܐ ܡ̣ܢ ܣܵܢܝܵܢܝܼ̈، ܘܡ̣ܢ ܥܘܼܡܩܵܐ ܕܡ̈ܝܼܵܐ.

¹⁵ܠܵܐ ܟܲܪܦܸܫ ܠܝܼ ܛܵܘܦܵܢܵܐ ܕܡ̈ܝܼܵܐ، ܘܠܵܐ ܒܵܠܹܥ ܐܸܠܝܼ ܥܘܼܡܩܵܐ، ܘܠܵܐ ܐܵܟ̰ܹܡ ܥܲܠܝܼ ܒܹܐܪܵܐ ܦܘܼܡܹܗ.

¹⁶ܓ̰ܲܘܸܒ ܠܝܼ، ܝܵܐ ܡܵܪܝܵܐ، ܒܗ̇ܝ ܕܨܦܵܝܝܼ ܝܠܵܗ̇ ܛܲܝܒܘܼܬܘܼܟ݂، ܐܲܝܟ݂ ܦܸܪܝܘܼܬܵ‌ܐ ܕܪ̈ܲܚܡܘܼܟ݂ ܕܘܼܪ ܐܸܠܝܼ.

¹⁷ܘܠܵܐ ܛܲܫܹܝܬ ܦܵܬܘܼܟ݂ ܡ̣ܢ ܪܹܓܘܼܟ݂، ܣܵܒܵܒ ܥܝܼܩ ܠܵܗ̇ ܐܸܠܝܼ؛ ܡܲܠܝܸܙ ܓ̰ܲܘܸܒ ܠܝܼ.

¹⁸ܩܲܪܒܸܢ ܠܓܵܢܝܼ، ܦܲܨܝܼ ܠܵܗ̇، ܡ̣ܢ ܕܸܫ̃ܡܸܢܝܼ̈ ܦܲܪܸܩ ܠܝܼ.

¹⁹ܐܲܢ݇ܬ ܟܹܐ ܝܵܕܥܹܬ ܠܵܘܡܝܼ، ܘܢܟܸܦܬ‌ܝܼ، ܘܡܲܣܠܲܝܬ‌ܝܼ، ܩܲܕܡܘܼܟ݂ ܝܼܢܵܐ ܟܠܵܝܗ‌ܝ ܡܲܠܝܸܨܵܢܝܼ̈.

²⁰ܠܵܘܡܵܐ ܬܒ݂ܝܼܪܹܗ ܠܸܒܝܼ ܘܩܵܡ ܡܲܡܪܸܥ ܠܝܼ. ܣܦܝܼܪܝܼ ܠܚܲܕ ܕܡܲܩܸܕ ܠܸܒܵܐ ܥܲܠܝܼ، ܐܝܼܢܵܐ ܠܲܝܬ، ܘܠܝܵܗܒ݂ܵܢܹ̈ܐ ܕܠܸܒܵܐ، ܐܝܼܢܵܐ ܠܵܐ ܡܘܼܫ݇ܟ̰ܸܚ ܠܝܼ.

²¹ܘܝܘܼܗܒܹܠܔ ܠܗܘܿܢ ܡܪܵܪܹ̈ܐ ܩܵܐ ܐܟ݂ܵܠܬ‌ܝܼ، ܘܩܵܐ ܨܲܗܘܝܼ ܩܵܡ ܡܲܫܬ‌ܝܼ ܠܝܼ ܚܲܠܵܐ.

²²ܗܵܘܹܐ ܦܵܬܘܿܪܵܝܗ‌ܝ ܠܦܲܚܵܐ ܩܲܕܡܵܝܗ‌ܝ، ܘܗܵܘܹܐ ܫܠܵܡܵܝܗ‌ܝ ܠܩܘܼܠܬܵ‌ܐ.

²³ܚܵܒ݂ܝܼ ܥܲܝ̈ܢܵܝܗ‌ܝ ܡ̣ܢ ܠܸܚܙܵܝܵܐ، ܘܐܲܡܝܼܢܵܐܝܼܬ ܪܵܓܹܕ ܚܲܨܵܝ̈ܗ‌ܝ.

²⁴ܡܲܫܦܸܟ݂ ܟܲܪܒܘܼܟ݂ ܥܲܠܵܝܗ‌ܝ، ܘܚܸܡܬܵ‌ܐ ܕܟܲܪܒܘܼܟ݂ ܡܵܛܝܵܐ ܠܗܘܿܢ.

²⁵ܗܵܘܹܐ ܡܲܥܡܪܵܝܗ‌ܝ ܚܵܪܵܒܵܐ، ܒܡܲܫܟܢܵܝ̈ܗ‌ܝ ܠܵܐ ܗܵܘܹܐ ܥܵܡܪܵܢܵܐ.

²⁶ܣܵܒܵܒ ܠܗ̇ܘ ܕܐܲܢ݇ܬ ܡܚܹܐ ܠܘܼܟ݂، ܪܕܝܼܦ ܠܗܘܿܢ، ܘܟܹܐ ܗܲܩܝܼ ܒܘܼܬ ܟܹܐܒܹ̈ܐ ܕܡܵܢܝܼ ܕܕܘܼܪܒܸܢܘܼܟ݂.

²⁷ܗܲܒ݂ܠܔ ܥܵܘܠܵܐ ܥܲܠܔ ܥܵܘܠܵܝܗ‌ܝ، ܘܠܵܐ ܫܵܒ݂ܩܹܬ ܥܵܒ݂ܪܝܼ ܒܙܲܕܝܼܩܘܼܬܘܼܟ݂.

²⁸ܫܒ݂ܘܿܩ ܦܵܝܫܝܼ ܓܪܝܼܕܹܐ ܡ̣ܢ ܟܬܵܒ݂ܵܐ ܕܚܲܝܹ̈ܐ، ܘܥܲܡ ܙܲܕܝܼܩܹ̈ܐ ܠܵܐ ܦܵܝܫܝܼ ܟܬܝܼܒܹܐ.

²⁹ܐܝܼܢܵܐ ܐܵܢܵܐ، ܡܸܣܟܹܢܵܐ ܝܘܸܢ ܘܕܘܼܪܕܸܫ̃ܵܐ، ܦܘܼܪܩܵܢܘܼܟ݂ ܡܲܪܸܡ ܠܝܼ ܠܫܲܝܢܵܐ، ܝܵܐ ܐܲܠܵܗܵܐ.

³⁰ܒܸܬ ܫܲܒܚܸܢ ܠܫܸܡܵܐ ܕܐܲܠܵܗܵܐ ܒܙܡܵܪܬܵ‌ܐ، ܘܒܸܬ ܓܲܪܘܸܣܸܢܹܗ ܒܫܲܟܲܪܬܵ‌ܐ.

³¹ܐܵܗܵܐ ܒܸܬ ܫܵܦܪܵܐ ܠܡܵܪܝܵܐ ܒܘܼܫ ܡ̣ܢ ܕܒ݂ܵܚܬܵ‌ܐ ܕܬܵܘܪܵܐ، ܝܲܢ ܡܘܼܓ̰ܵܐ ܡܵܪܹܐ ܩܲܪ̈݇ܢܵܢܹܐ ܘܣܸܡܵܬܹ̈‌ܐ.