1ܩܲܘܸܚܘܼܢ ܠܐܲܠܵܗܵܐ ܟܠܵܗ̇ ܐܲܪܥܵܐ.
2ܙܡܘܿܪܘܼܢ ܠܐܝܼܩܵܪܵܐ ܕܫܸܡܹܗ، ܡܲܬܒ݂ܘܼܢ ܐܝܼܩܵܪܵܐ ܠܬܸܫܒܘܿܚܬܹܗ.
3ܐܡܘܿܪܘܼܢ ܠܐܲܠܵܗܵܐ: ”ܟܡܵܐ ܣܲܗܡܵܢܹ̈ܐ ܝܢܵܐ ܦܘܼܠܚܵܢܘܼ̈ܟ݂، ܡܥܸܠܬܵܐ ܕܓܘܼܪܘܼܬܵܐ ܕܥܘܼܫܢܘܼܟ݂ ܒܸܬ ܫܵܠܡܝܼ ܐܸܠܘܼܟ݂ ܕܸܫ̃ܡܸܢܘܼ̈ܟ݂.
4”ܟܠܵܗ̇ ܒܢܲܝ̈ ܐܲܪܥܵܐ ܒܸܬ ܣܵܓ݂ܕܝܼ ܐܸܠܘܼܟ݂، ܘܒܸܬ ܙܵܡܪܝܼ ܐܸܠܘܼܟ݂، ܒܸܬ ܙܵܡܪܝܼ ܠܫܸܡܘܼܟ݂.“ ܣܹܠܵܗ
5ܬܹܝܡܘܼܢ ܘܚܙܹܝܡܘܼܢ ܦܘܼܠܚܵܢܹ̈ܐ ܕܐܲܠܵܗܵܐ، ܣܲܗܡܵܢܹ̈ܐ ܝܢܵܐ ܦܘܼܠܚܵܢܘܼ̈ܗܝ ܒܓܵܘܵܐ ܕܒܢܲܝ̈ܢܵܫܵܐ.
6ܡܘܼܚܕܸܪܹܗ ܝܵܡܵܐ ܠܒܸܪܙܵܐ، ܡܓܵܘ ܢܲܗܪܵܐ ܥܒ݂ܝܼܪܗܘܿܢ ܒܐܲܩܠܵܐ، ܫܒ݂ܘܿܩ ܚܵܕܲܚ ܒܝܼܹܗ ܬܵܡܵܐ.
7ܫܲܠܛܵܢܵܐ ܝܠܹܗ ܒܓܲܒܵܪܘܼܬܹܗ ܠܥܵܠܲܡ، ܥܲܝܢܘܼ̈ܗܝ ܠܐܸܡܘܵܬܹ̈ܐ ܟܹܐ ܩܲܙܸܕܝܼ، ܡܵܪ̈ܘܿܕܹܐ ܠܵܐ ܡܲܪܡܝܼ ܓܵܢܵܝܗܝ. ܣܹܠܵܗ
8ܒܲܪܟ݂ܘܼܢ، ܝܵܐ ܥܲܡܡܹ̈ܐ، ܠܐܲܠܵܗܲܢ، ܘܡܲܫܡܸܥܡܘܼܢ ܩܵܠܵܐ ܕܬܸܫܒܘܿܚܬܹܗ،
9ܗ̇ܘ ܕܚܘܼܡܹܐ ܠܹܗ ܓܵܢܲܢ ܒܚܲܝܹ̈ܐ، ܘܠܵܐ ܫܒ݂ܝܼܩ ܠܹܗ ܕܫܵܥܫܵܐ ܐܲܩܠܲܢ.
10ܒܗ̇ܝ ܕܩܵܡ ܒܵܚܪܹܬ ܠܲܢ، ܝܵܐ ܐܲܠܵܗܵܐ، ܩܵܡ ܨܲܪܸܦܸܬ ܠܲܢ ܐܲܝܟ݂ ܨܲܪܲܦܬܵܐ ܕܣܹܐܡܵܐ.