ܡܙܡܘܪ̈ܐ 55:2-21

²ܡܲܨܝܸܬ ܐܸܠܝܼ ܘܓ̰ܲܘܸܒ ܠܝܼ، ܢܲܟܢܘܼܟܹܐ ܝܘܸܢ ܒܬܲܢܲܚܬ‌ܝܼ ܘܛܠܝܼܩܬܵ‌ܐ ܝܠܵܗ̇ ܥܲܠܝܼ،

³ܡ̣ܢ ܩܵܠܵܐ ܕܕܸܫ̃ܡܸܢ، ܡ̣ܢ ܥܵܘܩܵܢܵܐ ܕܪܲܫܝܼܥܵܐ، ܒܗ̇ܝ ܕܟܹܐ ܡܲܫܦܸܟ݂ܝܼ ܥܲܠܝܼ ܣܸܪܝܘܼܬܵ‌ܐ، ܘܒܚܸܡܬܵ‌ܐ ܟܹܐ ܣܵܢܝܼ ܐܸܠܝܼ.

⁴ܠܸܒܝܼ ܟܹܐ ܪܵܓܹܕ ܒܓܵܘܝܼ، ܘܣܘܼܪ̈ܵܕܹܐ ܕܡܵܘܬܵ‌ܐ ܢܦܝܼܠܔ ܠܗܘܿܢ ܥܲܠܝܼ.

⁵ܙܕܘܼܥܬܵ‌ܐ ܘܪܲܬܪܲܬܬܵ‌ܐ ܥܒ݂ܝܼܪܗܘܿܢ ܒܝܼܝܼ، ܘܪܓܘܼܕܵܐ ܩܵܡ ܟܲܣܹܐ ܠܝܼ.

⁶ܘܐܡܝܼܪܝܼ: ”ܛܘܼܒ݂ܵܐ ܕܗܵܘܹܐ ܗܘܵܐ ܠܝܼ ܓܘܼܠܦܵܢܹ̈ܐ ܐܲܝܟ݂ ܝܵܘܢܵܐ، ܕܦܵܪܚܹܢ ܗܘܵܐ ܘܪܵܝܦܹܢ ܗܘܵܐ.

⁷”ܗܵܐ، ܒܸܬ ܥܵܪܩܹܢ ܗܘܵܐ ܪܸܚܩܵܐ، ܒܸܬ ܫܵܪܹܝܢ ܗܘܵܐ ܒܠܲܝܠܹܐ ܓܵܘ ܒܲܪܝܼܵܐ. ܣܹܠܵܗ

⁸”ܒܸܬ ܡܲܠܝܸܙܸܢ ܠܦܲܪܘܼܩܘܼܗ̇ ܓܵܢܝܼ، ܡ̣ܢ ܦܵܘܚܵܐ ܚܲܝܠܵܢܵܐ ܘܡ̣ܢ ܥܲܠܥܵܠܵܐ.“

⁹ܒܲܠܒܸܠܔ، ܝܵܐ ܡܵܪܝܵܐ، ܦܲܠܸܥ ܠܸܫܵܢܵܝܗ‌ܝ، ܣܵܒܵܒ ܚܙܹܐ ܠܝܼ ܛܠܘܼܡܝܵܐ ܘܡܲܩܲܪܵܨܘܼܬܵ‌ܐ ܓܵܘ ܡܕܝܼܢ݇ܬܵ‌ܐ.

¹⁰ܐܝܼܡܵܡܵܐ ܘܠܲܝܠܹܐ ܟܹܐ ܚܵܕܪܝܼ ܥܲܠܔ ܫܘܼܪ̈ܘܼܗ̇، ܘܥܵܘܠܵܐ ܘܐܘܼܠܨܵܢܵܐ ܒܓܵܘܘܼܗ̇ ܝܢܵܐ.

¹¹ܚܪ̈ܵܒܹܐ ܐܝܼܬ ܓܵܘܘܼܗ̇، ܘܠܹܐ ܦܵܪܩܝܼ ܛܠܘܼܡܝܵܐ ܘܦܸܠܡܵܐ ܡ̣ܢ ܫܘܼܩܘܼܗ̇.

¹²ܣܵܒܵܒ ܠܹܐ ܝܗܘܵܐ ܕܸܫ̃ܡܸܢ ܕܠܝܼܡ ܠܹܗ ܐܸܠܝܼ، ܕܩܲܒܠܸܢ ܗܘܵܐ. ܠܹܐ ܝܗܘܵܐ ܣܵܢܝܵܢܝܼ ܕܓܘܼܪܘܸܣܵܐ ܠܹܗ ܓܵܢܹܗ ܥܲܠܝܼ، ܕܛܲܫܹܝܢ ܗܘܵܐ ܠܵܗ̇ ܓܵܢܝܼ ܡܸܢܹܗ.

¹³ܐܝܼܢܵܐ ܐܲܢ݇ܬ، ܐܢܵܫܵܐ ܐܲܝܟ݂ ܕܝܼܝܼ، ܪܵܚܡܝܼ ܘܝܵܕܥܵܢܝܼ،

¹⁴ܕܥܲܡ ܚܕܵܕܹ̈ܐ ܥܒ݂ܝܼܕ ܠܲܢ ܫܵܘܬܵܦܘܼܬܵ‌ܐ ܚܠܝܼܬܵ‌ܐ، ܓܵܘ ܒܲܝܬܵ‌ܐ ܕܐܲܠܵܗܵܐ ܟܹܐ ܚܵܕܪܲܚ ܗܘܵܘ ܥܲܡ ܟܸܢܫܵܐ.

¹⁵ܐܵܬܹ‌ܐ ܡܵܘܬܵ‌ܐ ܥܲܠܵܝܗ‌ܝ ܡܸܢܫܸܠܬܵܢܹܐ، ܨܵܠܝܼ ܠܫܝܘܿܠܔ ܟܲܕ ܚܵܝܹ̈ܐ، ܣܵܒܵܒ ܒܝܼܫܵܬܹ̈‌ܐ ܐܝܼܬ ܓܵܘ ܒܹܝܬ ܡܲܥܡܪ̈ܵܝܗ‌ܝ، ܒܓܵܘܵܝܗ‌ܝ.

¹⁶ܐܝܼܢܵܐ ܐܵܢܵܐ، ܠܐܲܠܵܗܵܐ ܒܸܬ ܩܵܪܹܝܢ، ܘܡܵܪܝܵܐ ܒܸܬ ܦܲܪܸܩ ܠܝܼ.

¹⁷ܪܲܡܫܵܐ، ܘܨܲܦܪܵܐ، ܘܛܲܗܪܵܐ، ܒܸܬ ܩܵܒ݂ܠܹܢ ܘܬܲܢܸܚܸܢ، ܘܒܸܬ ܫܵܡܹܥ ܠܹܗ ܩܵܠܝܼ.

¹⁸ܒܸܬ ܦܲܪܸܩ ܒܫܠܵܡܵܐ ܓܵܢܝܼ ܡ̣ܢ ܦܠܵܫܵܐ ܕܥܲܠܝܼ، ܣܵܒܵܒ ܪܵܒܵܐ ܝܢܵܐ ܕܲܠܩܘܼܒ݂ܠܝܼ.

¹⁹ܒܸܬ ܫܵܡܹܥ ܐܲܠܵܗܵܐ، ܝܵܬܒ݂ܵܢܵܐ ܕܡ̣ܢ ܙܲܒ݂ܢܹ̈ܐ ܩܲܕܝܼܡܵܝܹ̈ܐ، ܘܒܸܬ ܡܲܠܝܸܨ ܠܗܘܿܢ. ܣܹܠܵܗ ܣܵܒܵܒ ܠܹܐ ܫܲܚܠܸܦܝܼ، ܘܠܹܐ ܙܵܕܥܝܼ ܡ̣ܢ ܐܲܠܵܗܵܐ.

²⁰ܦܘܼܫܸܛ ܠܹܗ ܐܝܼܕܵܬܘܼ̈ܗ‌ܝ ܥܲܠܔ ܕܐܵܢܝܼ ܕܝܼܢܵܐ ܒܫܠܵܡܵܐ ܥܲܡܹܗ، ܫܡܝܼܛ ܠܹܗ ܩܵܘܠܹܗ،

²¹ܟ̰ܘܼܥܝܵܐ ܐܲܝܟ݂ ܟܲܪܥܵܐ ܦܘܼܡܹܗ، ܐܝܼܢܵܐ ܐܝܼܬ ܦܠܵܫܵܐ ܒܠܸܒܹܗ؛ ܪܲܟܝܼܟܹܐ ܚܲܒܪ̈ܘܼܗ‌ܝ ܡ̣ܢ ܡܸܫܚܵܐ، ܐܝܼܢܵܐ ܣܲܝܦܹ̈ܐ ܓܪ̈ܝܼܫܹܐ ܝܢܵܐ.