ܡܙܡܘܪ̈ܐ 46:3-11

³ܟܲܕ ܫܵܓ݂ܫܝܼ ܘܓܲܒܓܸܒܝܼ ܡܝܼܵܝ̈ܗ‌ܝ، ܪܲܬܪܸܬ‌ܝܼ ܛܘܼܪ̈ܵܢܹܐ ܒܪܝܵܡܬܵܝܗ‌ܝ. ܣܹܠܵܗ

⁴ܐܝܼܬ ܢܲܗܪܵܐ ܕܫܵܩܝܼܵܬܘܼ̈ܗ‌ܝ ܟܹܐ ܡܲܚܕܝܼ ܠܡܕܝܼܢ݇ܬܵ‌ܐ ܕܐܲܠܵܗܵܐ، ܡܲܫܟܢܵܐ ܩܲܕܝܼܫܵܐ ܕܥܸܠܵܝܵܐ.

⁵ܐܲܠܵܗܵܐ ܒܓܵܘܘܼܗ̇ ܝܠܹܗ، ܠܹܐ ܫܵܥܫܵܐ، ܒܸܬ ܗܲܝܸܪܵܗ̇ ܐܲܠܵܗܵܐ ܒܕܝܵܪܬܵ‌ܐ ܕܨܲܦܪܵܐ.

⁶ܫܓ݂ܝܼܫ ܠܗܘܿܢ ܐܸܡܘܵܬܹ̈‌ܐ، ܫܥܝܼܫ ܠܗܘܿܢ ܡܲܠܟܘܵܬܹ̈‌ܐ، ܡܘܼܪܸܡ ܠܹܗ ܩܵܠܹܗ، ܦܫܝܼܪܵܗ̇ ܐܲܪܥܵܐ.

⁷ܡܵܪܝܵܐ ܚܲܝܠܬܵܢܵܐ ܥܲܡܲܢ ܝܼܠܹܗ، ܩܲܠܥܵܐ ܐܸܠܲܢ ܐܲܠܵܗܵܐ ܕܝܲܥܩܘܿܒ݂. ܣܹܠܵܗ

⁸ܬܹܝܡܘܼܢ ܚܙܹܝܡܘܼܢ ܦܘܼܠܚܵܢܹ̈ܐ ܕܡܵܪܝܵܐ، ܕܡܘܼܝܬܹ‌ܐ ܠܹܗ ܚܪ̈ܵܒܹܐ ܒܐܲܪܥܵܐ.

⁹ܟܹܐ ܡܲܟܠܹܐ ܦܠܵܫܹ̈ܐ ܗܲܠܔ ܡܲܪܙܵܐ ܕܐܲܪܥܵܐ، ܟܹܐ ܬܵܒܹܪ ܩܸܫܬܵ‌ܐ، ܘܟܹܐ ܫܵܡܹܛ ܪܘܼܡܚܵܐ، ܟܹܐ ܡܲܩܸܕ ܡܲܪ̈ܟܒ݂ܵܬܹ‌ܐ ܒܢܘܼܪܵܐ.

¹⁰ܟܹܐ ܐܵܡܹܪ: ”ܗܘܹܝܡܘܼܢ ܫܸܠܝܹܐ ܘܝܕܹܥܡܘܼܢ ܕܐܵܢܵܐ ܝܘܸܢ ܐܲܠܵܗܵܐ، ܒܸܬ ܦܵܝܫܹܢ ܡܘܼܪܡܵܐ ܓܵܘ ܐܸܡܘܵܬܹ̈‌ܐ، ܒܸܬ ܦܵܝܫܹܢ ܡܘܼܪܡܵܐ ܒܐܲܪܥܵܐ.“

¹¹ܡܵܪܝܵܐ ܚܲܝܠܬܵܢܵܐ ܥܲܡܲܢ ܝܼܠܹܗ، ܩܲܠܥܵܐ ܐܸܠܲܢ ܐܲܠܵܗܵܐ ܕܝܲܥܩܘܿܒ݂. ܣܹܠܵܗ