ܡܙܡܘܪ̈ܐ 44:3-21

³ܣܵܒܵܒ ܠܹܐ ܝܗܘܵܐ ܒܣܲܝܦܵܝܗ‌ܝ ܕܩܵܡ ܝܵܪܬ‌ܝܼ ܠܵܗ̇ ܐܲܪܥܵܐ، ܐܵܦܠܵܐ ܕܪܲܥܢܵܝܗ‌ܝ ܩܵܡ ܦܲܪܸܩ ܠܗܘܿܢ، ܐܸܠܵܐ ܝܲܡܝܼܢܘܼܟ݂ ܘܕܪܲܥܢܘܼܟ݂ ܘܒܲܗܪܵܐ ܕܦܵܬܘܼܟ݂، ܣܵܒܵܒ ܒܣܝܼܡ ܠܵܗ̇ ܠܘܼܟ݂ ܒܝܼܵܝܗ‌ܝ.

⁴ܐܲܢ݇ܬ ܝܼܘܸܬ ܡܲܠܟܝܼ، ܝܵܐ ܐܲܠܵܗܵܐ، ܦܩܘܿܕ ܦܘܼܪܩܵܢܵܐ ܕܝܲܥܩܘܿܒ݂.

⁵ܒܝܼܘܼܟ݂ ܒܸܬ ܡܵܚܲܚ ܠܡܲܠܝܸܨܵܢܲܢ̈، ܒܫܸܡܘܼܟ݂ ܒܸܬ ܕܲܫܕܸܫܲܚ ܠܩܵܝܡܵܢܹ̈ܐ ܕܥܲܠܲܢ.

⁶ܣܵܒܵܒ ܒܩܸܫܬ‌ܝܼ ܠܹܐ ܦܵܝܫܹܢ ܒܣܲܒ݂ܪܵܐ، ܘܣܲܝܦܝܼ ܠܹܐ ܦܲܪܸܩ ܠܝܼ.

⁷ܣܵܒܵܒ ܐܲܢ݇ܬ ܩܵܡ ܦܲܪܩܸܬ ܠܲܢ ܡ̣ܢ ܡܲܠܝܸܨܵܢܲܢ̈، ܘܣܵܢܝܵܢܲܢ̈ ܡܘܼܢܟܸܦܵܝ ܠܘܼܟ݂.

⁸ܒܐܲܠܵܗܵܐ ܫܘܼܒܸܚ ܠܲܢ ܟܠܹܗ ܝܵܘܡܵܐ، ܘܠܫܸܡܘܼܟ݂ ܗܲܠܔ ܥܵܠܲܡ ܒܸܬ ܫܲܟܪܲܚ. ܣܹܠܵܗ

⁹ܐܝܼܢܵܐ ܡܘܼܚܦܸܠܔ ܠܘܼܟ݂ ܘܡܘܼܢܟܸܦ ܠܘܼܟ݂ ܐܸܠܲܢ، ܘܠܹܐ ܦܵܠܛܹܬ ܥܲܡ ܚܲܝܠܵܘܵܬܲܢ̈.

¹⁰ܡܘܼܕܸܪܘܼܟ݂ ܐܸܠܲܢ ܠܒܵܬܪܵܐ ܡ̣ܢ ܩܲܕܡ ܕܸܫ̃ܡܸܢ، ܘܣܵܢܝܵܢܲܢ̈ ܣܠܝܼܒ ܠܗܘܿܢ ܩܵܐ ܓܵܢܵܝܗ‌ܝ.

¹¹ܩܵܡ ܝܵܗܒܹܬ ܠܲܢ ܐܲܝܟ݂ ܥܸܪ̈ܒܹܐ ܕܦܵܝܫܲܚ ܐܟ݂ܝܼܠܹܐ، ܘܓܵܘ ܐܸܡܘܵܬܹ̈‌ܐ ܩܵܡ ܒܵܙܩܹܬ ܠܲܢ.

¹²ܙܘܼܒܸܢܘܼܟ݂ ܠܥܲܡܘܼܟ݂ ܪܵܒܵܐ ܐܲܪܙܵܢ، ܘܠܵܐ ܩܢܹܐ ܠܘܼܟ݂ ܒܛܝܼܡܵܝ̈ܗ‌ܝ.

¹³ܩܵܡ ܥܵܒ݂ܕܹܬ ܠܲܢ ܠܵܘܡܵܐ ܠܫܒ݂ܵܒܲܢ̈، ܡܲܣܚܲܪܬܵ‌ܐ ܘܠܵܘܡܵܐ ܠܐܵܢܝܼ ܕܝܼܢܵܐ ܚܵܕܸܪ̈ܘܵܢܲܢ.

¹⁴ܩܵܡ ܥܵܒ݂ܕܹܬ ܠܲܢ ܡܲܬܠܵܐ ܓܵܘ ܐܸܡܘܵܬܹ̈‌ܐ، ܥܸܠܬܵ‌ܐ ܕܫܥܵܫܬܵ‌ܐ ܕܪܹܝܫܵܐ ܓܵܘ ܥܲܡܡܹ̈ܐ.

¹⁵ܟܠܹܗ ܝܵܘܡܵܐ ܢܟܸܦܬ‌ܝܼ ܩܲܕܡܝܼ ܝܠܵܗ̇، ܘܢܟܸܦܬܵ‌ܐ ܕܦܵܬ‌ܝܼ ܩܵܡ ܟܲܣܝܵܐ ܠܝܼ.

¹⁶ܡ̣ܢ ܥܸܠܬܵ‌ܐ ܕܩܵܠܵܐ ܕܠܵܝܡܵܢܵܐ ܘܓܵܕܦܵܢܵܐ، ܡ̣ܢ ܩܲܕܡ ܕܸܫ̃ܡܸܢ ܘܫܵܩܠܵܢܵܐ ܕܬܘܼܥܠܵܐ.

¹⁷ܟܠܵܗ̇ ܐܵܗܵܐ ܐܬܹ‌ܐ ܠܵܗ̇ ܥܲܠܲܢ ܘܠܵܐ ܢܫܹܐ ܠܲܢ ܐܸܠܘܼܟ݂، ܘܠܵܐ ܕܘܼܓܸܠܔ ܠܲܢ ܠܘܲܥܕܘܼܟ݂.

¹⁸ܠܵܐ ܕܝܼܪܹܗ ܠܒܵܬܪܵܐ ܠܸܒܲܢ، ܐܵܦܠܵܐ ܩܠܝܼܒ ܠܗܘܿܢ ܦܵܣܘܿܥܝܵܬܲܢ̈ ܡ̣ܢ ܐܘܼܪܚܘܼܟ݂.

¹⁹ܐܝܼܢܵܐ ܩܵܡ ܛܵܒ݂ܚܹܬ ܠܲܢ ܒܐܲܪܥܵܐ ܕܟ̰ܲܩܵܠܹ̈ܐ، ܘܩܵܡ ܡܲܟܣܸܬ ܠܲܢ ܒܛܸܠܵܢܝܼܬܵ‌ܐ ܕܡܵܘܬܵ‌ܐ.

²⁰ܐܸܢ ܗܵܘܲܚ ܢܸܫܝܹܗ ܫܸܡܵܐ ܕܐܲܠܵܗܲܢ، ܘܦܪܝܼܣܵܝ ܐܝܼܕܵܬܲܢ̈ ܠܟܸܣ ܐܲܠܵܗܵܐ ܢܘܼܟ݂ܪܵܝܵܐ؛

²¹ܗܵܐ، ܠܹܐ ܒܵܚܹܪ ܐܲܠܵܗܵܐ ܠܐܵܗܵܐ؟ ܣܵܒܵܒ ܗ̇ܘ ܟܹܐ ܝܵܕܹܥ ܡܸܢܕܝܼ ܛܸܫܝܵܐ ܕܠܸܒܵܐ.