Text copied!
CopyCompare
ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ - ܡܙܡܘܪ̈ܐ - ܡܙܡܘܪ̈ܐ 35

ܡܙܡܘܪ̈ܐ 35:9-25

Help us?
Click on verse(s) to share them!
9ܘܓܵܢܝܼ ܒܸܬ ܦܵܨܚܵܐ ܒܡܵܪܝܵܐ، ܦܨܵܚܵܐ ܒܸܬ ܦܵܨܚܵܐ ܒܦܘܼܪܩܵܢܹܗ.
10ܟܠܵܗ̇ ܓܵܢܝܼ ܒܸܬ ܐܵܡܪܵܐ: ”ܝܵܐ ܡܵܪܝܵܐ، ܡܵܢܝܼ ܐܝܼܬ ܐܲܝܟ݂ ܕܝܼܘܼܟ݂؟ ܦܲܨܝܵܢܵܐ ܠܡܸܣܟܹܢܵܐ ܡ̣ܢ ܚܲܕ ܒܘܼܫ ܙܲܪܒܵܢܵܐ ܡܸܢܹܗ، ܘܠܡܸܣܟܹܢܵܐ ܘܠܣܢܝܼܩܵܐ ܡ̣ܢ ܚܵܛܘܿܦܹܗ.“
11ܟܹܐ ܩܵܝܡܝܼ ܣܵܗܕܹ̈ܐ ܣܸܪ̈ܝܹܐ، ܟܹܐ ܨܲܚܨܹܐ ܠܝܼ ܒܘܼܬ ܡܸܢܕܝܼ ܕܠܹܐ ܝܵܕܥܹܢ.
12ܟܹܐ ܦܵܪܥܝܼ ܠܝܼ ܒܝܼܫܬܵ‌ܐ ܡܓܹܒܵܐ ܕܛܵܒ݂ܬܵ‌ܐ، ܠܸܥܒ݂ܵܕܘܼܗ̇ ܡܘܼܫܲܡܸܪ ܓܵܢܝܼ.
13ܐܝܼܢܵܐ ܐܵܢܵܐ، ܟܲܕ ܡܪܝܼܥ ܠܗܘܿܢ ܠܒ݂ܝܼܫ ܠܝܼ ܣܲܩܵܐ، ܡܘܼܥܝܸܩܵܐ ܠܝܼ ܒܨܵܘܡܵܐ ܓܵܢܝܼ، ܘܨܠܘܿܬ‌ܝܼ ܠܚܦܵܩܝܼ ܕܝܼܪܵܗ̇.
14ܐܲܝܟ݂ ܠܚܲܒ݂ܪܝܼ، ܐܲܝܟ݂ ܠܐܲܚܘܿܢܝܼ، ܚܕܝܼܪܝܼ ܠܸܥܒ݂ܵܕܵܐ ܐܸܒ݂ܠܵܐ، ܐܲܝܟ݂ ܥܵܒ݂ܕܵܢܵܐ ܕܬܵܥܙܝܼ ܠܝܸܡܵܐ، ܠܒ݂ܝܼܫܵܐ ܟܘܼܡܵܐ، ܡܘܼܟܸܦܵܐ ܠܝܼ ܓܵܢܝܼ.
15ܐܝܼܢܵܐ ܒܬܲܪܩܲܠܬ‌ܝܼ ܦܨܝܼܚ ܠܗܘܿܢ ܘܓ̰ܡܝܼܥ ܠܗܘܿܢ، ܓ̰ܡܝܼܥ ܠܗܘܿܢ ܥܲܠܝܼ ܡܵܚܝܵܢܝܼ̈ ܘܠܵܐ ܝܕܝܼܥ ܠܝܼ، ܦܘܼܪܦܸܛܸܢܗܘܿܢ ܘܠܵܐ ܫܠܹܐ ܠܗܘܿܢ.
16ܐܲܝܟ݂ ܚܲܢܦܹ̈ܐ ܡܲܣܚܘܼܪܹܐ ܡܘܼܣܚܸܪܗܘܿܢ ܒܝܼܝܼ، ܚܲܪܚܘܼܟ̰ܹܐ ܟܹܟܵܝ̈ܗ‌ܝ ܥܲܠܝܼ.
17ܝܵܐ ܡܵܪܝܵܐ، ܟܡܵܐ ܒܸܬ ܗܵܘܹܝܬ ܓܲܫܘܼܩܹܐ، ܦܲܨܝܼ ܓܵܢܝܼ ܡ̣ܢ ܚܪ̈ܵܒ݂ܵܝܗ‌ܝ، ܡ̣ܢ ܓܘܼܪ̈ܝܹܐ ܕܐܲܪ̈ܝܹܐ ܝܼܚܝܼܕܵܝܘܼܬ‌ܝܼ.
18ܒܸܬ ܫܲܟܪܸܢܘܼܟ݂ ܓܵܘ ܟܸܢܫܵܐ ܓܘܼܪܵܐ، ܓܵܘ ܥܲܡܵܐ ܙܲܪܒܵܢܵܐ ܒܸܬ ܫܲܒܚܸܢܘܼܟ݂.
19ܠܵܐ ܚܵܕܝܼ ܥܲܠܝܼ ܕܸܫ̃ܡܸܢܝܼ̈ ܕܒܕܘܼܓܠܵܐ، ܣܵܢܝܵܢܝܼ̈ ܕܠܵܐ ܥܸܠܬܵ‌ܐ ܠܵܐ ܠܵܟܙܝܼ ܥܲܝܢܵܐ.
20ܣܵܒܵܒ ܠܹܐ ܗܲܡܙܸܡܝܼ ܫܠܵܡܵܐ، ܘܥܲܠܔ ܫܸܠܝܹ̈ܐ ܕܒܐܲܪܥܵܐ ܟܹܐ ܚܵܫܒ݂ܝܼ ܦܸܠܡܹ̈ܐ.
21ܘܡܘܼܪܘܸܚ ܠܗܘܿܢ ܦܘܼܡܵܝܗ‌ܝ ܥܲܠܝܼ، ܐܡܝܼܪܗܘܿܢ: ”ܐܲܗܵܐ! ܐܲܗܵܐ! ܚܙܹܐ ܠܗܘܿܢ ܥܲܝܢܲܢ̈.“
22ܚܙܹܐ ܠܘܼܟ݂ ܡܵܪܝܵܐ، ܠܵܐ ܗܵܘܹܝܬ ܫܬܝܼܩܵܐ، ܝܵܐ ܡܵܪܝܵܐ، ܠܵܐ ܪܵܚܩܹܬ ܡܸܢܝܼ.
23ܪܥܘܿܫ ܘܬܥܘܿܪ ܠܕܝܼܘܵܢܝܼ، ܝܵܐ ܐܲܠܵܗ‌ܝܼ ܘܡܵܪܝܼ، ܠܨܒ݂ܘܼܬ‌ܝܼ.
24ܥܒ݂ܘܿܕ ܠܵܗ̇ ܕܝܼܘܵܢܝܼ ܐܲܝܟ݂ ܙܲܕܝܼܩܘܼܬܘܼܟ݂، ܡܵܪܝܵܐ ܐܲܠܵܗ‌ܝܼ، ܕܠܵܐ ܚܵܕܝܼ ܒܝܼܝܼ.
25ܠܵܐ ܐܵܡܪܝܼ ܒܠܸܒܵܝܗ‌ܝ: ”ܐܲܗܵܐ! ܗܘܹܐ ܠܹܗ ܨܸܒ݂ܝܵܢܵܐ ܕܓܵܢܲܢ. ܠܵܐ ܐܵܡܪܝܼ: ܒܠܝܼܥ ܠܲܢ ܐܸܠܹܗ.“

Read ܡܙܡܘܪ̈ܐ 35ܡܙܡܘܪ̈ܐ 35
Compare ܡܙܡܘܪ̈ܐ 35:9-25ܡܙܡܘܪ̈ܐ 35:9-25