2ܒܡܵܪܝܵܐ ܒܸܬ ܥܵܒ݂ܕܵܐ ܫܘܼܒ݂ܗܵܪܵܐ ܓܵܢܝܼ، ܫܵܡܥܝܼ ܡܸܣܟܹܢܹ̈ܐ ܘܚܵܕܝܼ.
3ܥܲܡܝܼ ܓܲܪܘܸܣܘܼܢ ܠܡܵܪܝܵܐ، ܘܡܲܪܡܲܚ ܫܸܡܹܗ ܥܲܡ ܚܕܵܕܹ̈ܐ.
4ܛܥܹܐ ܠܝܼ ܠܡܵܪܝܵܐ ܘܩܵܡ ܓ̰ܲܘܸܒ ܠܝܼ، ܘܡ̣ܢ ܟܠܵܝܗܝ ܙܕܘܼܥܝܵܬܝܼ̈ ܩܵܡ ܦܲܨܹܐ ܠܝܼ.
5ܚܝܼܪܗܘܿܢ ܐܸܠܹܗ ܘܒܘܼܗܪܸܢܗܘܿܢ، ܘܦܵܬܘܵܬܵܝ̈ܗܝ ܠܹܐ ܦܵܝܫܝܼ ܢܟ݂ܝܼܦܹܐ.
6ܐܵܗܵܐ ܡܸܣܟܹܢܵܐ ܩܪܹܐ ܠܹܗ، ܘܡܵܪܝܵܐ ܫܡܝܼܥ ܠܹܗ، ܘܡ̣ܢ ܟܠܵܝܗܝ ܐܘܼܠܨܵܢܘܼ̈ܗܝ ܦܘܼܪܸܩ ܠܹܗ.
7ܟܹܐ ܡܵܚܹܐ ܡܲܫܪܝܼܬܵܐ ܡܲܠܲܐܟ݂ܵܐ ܕܡܵܪܝܵܐ ܚܵܕܸܪ̈ܘܵܢܹܐ ܕܙܕܝܼܥܘܼ̈ܗܝ، ܘܟܹܐ ܦܲܨܹܐ ܠܗܘܿܢ.
8ܛܥܘܿܡܘܼܢ ܘܚܙܹܝܡܘܼܢ ܕܛܵܒ݂ܵܐ ܝܠܹܗ ܡܵܪܝܵܐ، ܛܘܼܒ݂ܵܐ ܠܐܢܵܫܵܐ ܕܫܵܩܹܠܔ ܓܵܘܣܵܐ ܒܝܼܹܗ.
9ܙܕܹܥܡܘܼܢ ܡ̣ܢ ܡܵܪܝܵܐ، ܝܵܐ ܩܲܕܝܼܫܘܼ̈ܗܝ، ܣܵܒܵܒ ܠܲܝܬ ܚܘܼܣܪܵܢܵܐ ܠܙܕܝܼܥܘܼ̈ܗܝ.
10ܓܘܼܪ̈ܝܹܐ ܕܐܲܪܝܵܐ ܡܘܼܣܟܸܢܗܘܿܢ ܘܟܦܝܼܢܗܘܿܢ، ܐܝܼܢܵܐ ܐܵܢܝܼ ܕܛܵܥܝܼ ܠܡܵܪܝܵܐ ܠܹܐ ܚܵܣܪܝܼ ܟܠܔ ܛܵܒ݂ܬܵܐ.
11ܬܹܝܡܘܼܢ ܒܢܘܿܢܹ̈ܐ، ܫܡܹܥܡܘܼܢ ܐܸܠܝܼ، ܙܕܘܼܥܬܵܐ ܕܡܵܪܝܵܐ ܡܲܠܦܸܢܵܘܟ݂ܘܿܢ.
12ܡܵܢܝܼ ܝܠܹܗ ܐܢܵܫܵܐ ܕܒܵܣܡܝܼ ܠܹܗ ܚܲܝܹ̈ܐ، ܗ̇ܘ ܕܡܲܚܸܒ ܝܵܘܡܵܢܹ̈ܐ ܠܸܚܙܵܝܵܐ ܛܵܒ݂ܬܵܐ؟
ܡܙܡܘܪ̈ܐ 34
ܡܙܡܘܪ̈ܐ 34:2-12