ܡܙܡܘܪ̈ܐ 26:1-11

¹ܥܒ݂ܘܿܕ ܠܵܗ̇ ܕܝܼܘܵܢܝܼ، ܝܵܐ ܡܵܪܝܵܐ، ܒܗ̇ܝ ܕܐܵܢܵܐ ܒܬܲܡܝܼܡܘܼܬ‌ܝܼ ܚܕܝܼܪܝܼ، ܘܠܡܵܪܝܵܐ ܦܝܼܫ ܠܝܼ ܒܣܲܒ݂ܪܵܐ، ܠܹܐ ܫܵܥܫܹܢ.

²ܒܚܘܿܪ ܐܸܠܝܼ، ܡܵܪܝܵܐ، ܘܓ̰ܲܪܸܒ ܠܝܼ، ܨܲܪܸܦ ܪܸܥܝܵܢܝܼ ܘܠܸܒܝܼ؛

³ܒܗ̇ܝ ܕܛܲܝܒܘܼܬܘܼܟ݂ ܩܲܕܡ ܥܲܝܢܝܼ̈ ܝܠܵܗ̇، ܘܚܕܝܼܪܝܼ ܒܡܗܘܼܡܢܘܼܬܘܼܟ݂.

⁴ܠܵܐ ܝܬܝܼܒ݂ ܠܝܼ ܥܲܡ ܡܲܚܠܸܛܵܢܹ̈ܐ، ܘܥܲܡ ܡܲܫܦܸܪ̈ܵܢܹܐ ܠܹܐ ܥܵܒ݂ܕܹܢ ܫܵܘܬܵܦܘܼܬܵ‌ܐ.

⁵ܣܢܹܐ ܠܝܼ ܠܟܢܘܼܫܝܵܐ ܕܥܵܒ݂ܕܵܢܹ̈ܐ ܕܒܝܼܫܬܵ‌ܐ، ܘܥܲܡ ܪ̈ܲܫܝܼܥܹܐ ܠܹܐ ܝܵܬܒܹܢ.

⁶ܒܸܬ ܚܲܠܸܠܸܢ ܒܙܲܟܵܝܘܼܬܵ‌ܐ ܐܝܼܕܵܬ‌ܝܼ̈، ܘܚܵܕܪܹܢ ܠܚܵܕܸܪ̈ܘܵܢܹܐ ܕܡܲܕܒܚܘܼܟ݂، ܝܵܐ ܡܵܪܝܵܐ،

⁷ܠܡܲܫܡܘܼܥܹܐ ܩܵܠܵܐ ܕܫܲܟܲܪܬܵ‌ܐ، ܘܠܗܲܩܘܼܝܹܐ ܟܠܵܝܗ‌ܝ ܥܲܓ̰ܝܼܒܘܼܝܵܬܘܼ̈ܟ݂.

⁸ܝܵܐ ܡܵܪܝܵܐ، ܡܘܼܚܸܒ ܠܝܼ ܠܡܲܥܡܪܵܐ ܕܒܲܝܬܘܼܟ݂، ܕܘܼܟܵܐ ܕܫܵܪܹܐ ܫܘܼܒ݂ܚܘܼܟ݂.

⁹ܠܵܐ ܛܲܠܩܸܬ ܠܵܗ̇ ܓܵܢܝܼ ܥܲܡ ܚܲܛܵܝܹ̈ܐ، ܐܵܦܠܵܐ ܚܲܝܝܼ̈ ܥܲܡ ܫܲܦܟ݂ܵܢܹ̈ܐ ܕܕܸܡܵܐ،

¹⁰ܐܲܝܢܝܼ ܕܒܐܝܼܕܵܝ̈ܗ‌ܝ ܐܝܼܬ ܨܢܝܼܥܘܼܬܵ‌ܐ، ܘܝܲܡܝܼܢܵܝܗ‌ܝ ܡܠܝܼܬܵ‌ܐ ܝܠܵܗ̇ ܪܸܫܘܲܬ.

¹¹ܐܝܼܢܵܐ ܐܵܢܵܐ، ܒܬܲܡܝܼܡܘܼܬ‌ܝܼ ܒܸܬ ܚܵܕܪܹܢ، ܦܲܪܸܩ ܠܝܼ ܘܪܲܚܸܡ ܥܲܠܝܼ.