Text copied!
CopyCompare
ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ - ܡܙܡܘܪ̈ܐ - ܡܙܡܘܪ̈ܐ 19

ܡܙܡܘܪ̈ܐ 19:1-10

Help us?
Click on verse(s) to share them!
1ܫܡܲܝܹ̈ܐ ܗܲܩܘܼܝܹܐ ܝܢܵܐ ܚܸܩܪܵܐ ܕܐܲܠܵܗܵܐ، ܘܪܩܝܼܥܵܐ ܡܲܕܘܼܥܹܐ ܝܠܹܗ ܦܘܼܠܚܵܢܹ̈ܐ ܕܐܝܼܕܵܬܘܼ̈ܗ‌ܝ.
2ܐܝܼܡܵܡܵܐ ܠܐܝܼܡܵܡܵܐ ܟܹܐ ܡܲܢܒܸܥ ܡܹܐܡܪܵܐ، ܘܠܲܝܠܹܐ ܠܠܲܝܠܹܐ ܟܹܐ ܡܲܚܙܹܐ ܝܕܵܥܬܵ‌ܐ.
3ܠܲܝܬ ܡܹܐܡܪܵܐ ܘܠܲܝܬ ܗܹܡܸܙܡܵܢܹ̈ܐ، ܕܠܹܐ ܦܵܝܫܝܼ ܫܡܝܼܥܹܐ ܒܩܵܠܵܝܗ‌ܝ.
4ܒܟܠܵܗ̇ ܐܲܪܥܵܐ ܦܠܝܼܛ ܠܹܗ ܟܝܘܼܠܵܝܗ‌ܝ، ܘܒܡܲܪܙܵܐ ܕܒܪܝܼܬܵ‌ܐ ܚܲܒܪ̈ܵܢܵܝܗ‌ܝ، ܩܵܐ ܫܸܡܫܵܐ ܢܩܝܼܫ ܠܹܗ ܡܲܫܟܢܵܐ ܒܓܵܘܵܝܗ‌ܝ.
5ܘܗ̇ܘ ܐܲܝܟ݂ ܚܸܬܢܵܐ ܕܦܵܠܹܛ ܡ̣ܢ ܒܹܝܬ ܓܢܘܿܢܹܗ، ܟܹܐ ܦܵܨܹܚ ܐܲܝܟ݂ ܓܲܒܵܪܵܐ ܠܸܪܚܵܛܵܐ ܪܲܗܛܵܐ.
6ܡ̣ܢ ܡܲܪܙܵܐ ܕܫܡܲܝܹ̈ܐ ܦܠܵܛܹܗ، ܘܚܕܵܪܬܹܗ ܡ̣ܢ ܚܲܕ ܓܹܒܵܐ ܠܓܹܒܵܐ ܐܚܹܪܢܵܐ، ܘܠܲܝܬ ܕܦܵܐܹܫ ܛܘܼܫܝܵܐ ܡ̣ܢ ܚܸܡܹܗ.
7ܢܵܡܘܿܣܵܐ ܕܡܵܪܝܵܐ ܬܲܡܝܼܡܵܐ ܝܠܹܗ، ܡܲܕܸܪܵܢܵܐ ܕܓܵܢܵܐ، ܣܵܗܕܘܼܬܵ‌ܐ ܕܡܵܪܝܵܐ ܡܗܲܝܡܵܢܬܵ‌ܐ ܝܠܵܗ̇، ܟܹܐ ܥܵܒ݂ܕܵܐ ܚܲܟܝܼܡܵܐ ܠܦܫܝܼ̈ܛܹܐ.
8ܦܘܼܩܵܕܹ̈ܐ ܕܡܵܪܝܵܐ ܬܪ̈ܘܼܨܹܐ ܝܢܵܐ، ܡܲܚܕܝܼܵܢܹ̈ܐ ܕܠܸܒܵܐ، ܦܘܼܩܕܵܢܵܐ ܕܡܵܪܝܵܐ ܕܸܟ݂ܝܵܐ ܝܠܹܗ، ܒܲܗܪܸܢܵܢܵܐ ܕܥܲܝ̈ܢܹܐ.
9ܙܕܘܼܥܬܵ‌ܐ ܕܡܵܪܝܵܐ ܕܟ݂ܝܼܬܵ‌ܐ ܝܠܵܗ̇، ܩܲܝܵܡ ܠܥܵܠܲܡ، ܕܝܼܘܵܢܹ̈ܐ ܕܡܵܪܝܵܐ ܫܲܪܝܼܪܹ̈ܐ ܝܢܵܐ، ܙܲܕܝܼܩܹ̈ܐ ܒܟܠܔ ܥܕܵܢܵܐ.
10ܒܘܼܫ ܫܘܼܗܘܸܬܹ‌ܐ ܝܢܵܐ ܡ̣ܢ ܕܲܗܒ݂ܵܐ، ܘܡ̣ܢ ܪܵܒܵܐ ܕܲܗܒ݂ܵܐ ܨܸܦܝܵܐ، ܘܒܘܼܫ ܚܸܠܝܹܐ ܝܢܵܐ ܡ̣ܢ ܕܸܒ݂ܫܵܐ، ܘܡ̣ܢ ܢܵܛܘܿܦܝܵܬܹ̈‌ܐ ܕܫܵܢܵܐ.

Read ܡܙܡܘܪ̈ܐ 19ܡܙܡܘܪ̈ܐ 19
Compare ܡܙܡܘܪ̈ܐ 19:1-10ܡܙܡܘܪ̈ܐ 19:1-10