ܝܘܚܢܢ 6:4-18

⁴ܥܹܐܕܵܐ ܕܦܸܨܚܵܐ ܕܝܗܘܼܕܵܝܹ̈ܐ ܩܲܪܒܘܼܢܹܐ ܝܗܘܵܐ.

⁵ܡܘܼܪܸܡ ܠܹܗ ܝܼܫܘܿܥ ܥܲܝܢܘܼ̈ܗ‌ܝ ܘܚܙܹܐ ܠܹܗ ܟܸܢܫܵܐ ܪܵܒܵܐ ܒܹܐܬܵܝܵܐ ܠܟܸܣܠܹܗ. ܒܘܼܩܸܪܹܗ ܡ̣ܢ ܦܝܼܠܝܼܦܘܿܣ: ”ܡ̣ܢ ܐܲܝܟܵܐ ܙܵܒ݂ܢܲܚ ܠܲܚܡܵܐ ܕܐܵܟ݂ܠܝܼ ܐܲܢܹܐ ܐܢܵܫܹ̈ܐ؟“

⁶ܐܵܗܵܐ ܒܘܼܩܸܪܹܗ ܡܸܢܹܗ ܠܓ̰ܲܪܘܼܒܹܗ، ܣܵܒܵܒ ܗ̇ܘ ܒܓܵܢܹܗ ܟܹܐ ܝܵܕܹܥ ܗܘܵܐ ܡܘܼܕܝܼ ܒܸܬ ܥܵܒܹܕ ܗܘܵܐ.

⁷ܓ̰ܘܼܘܸܒ ܠܹܗ ܐܸܠܹܗ ܦܝܼܠܝܼܦܘܿܣ: ”ܠܲܚܡܵܐ ܒܛܝܼܡܵܐ ܕܬܪܲܝܡܵܐܐ ܕܝܼܢܵܪܹ̈ܐ ܠܹܐ ܡܵܠܹܐ ܠܗܘܿܢ، ܐܘܼܦ ܐܸܢ ܕܟܠܔ ܚܲܕ ܫܵܩܹܠܔ ܐܲܚܟ̰ܝܼ ܚܲܕ ܩܸܛܥܵܐ.“

⁸ܐܡܝܼܪܹܗ ܐܸܠܹܗ ܚܲܕ ܬܲܠܡܝܼܕܵܐ ܐܚܹܪܢܵܐ، ܐܲܢܕܪܹܐܘܿܣ ܐܲܚܘܿܢܵܐ ܕܫܸܡܥܘܿܢ ܟܹܐܦܵܐ:

⁹”ܐܝܼܬ ܚܲܕ ܝܵܠܵܕ݇ܐ ܠܲܐܟ݂ܵܐ ܕܐܝܼܬ ܠܹܗ ܚܲܡܸܫ ܓܸܪ̈ܕܲܝܹܐ ܕܣܥܵܪܹ̈ܐ ܘܬܪܹܝ ܢܘܼܢܹ̈ܐ ܙܥܘܿܪܹ̈ܐ، ܐܝܼܢܵܐ ܐܲܢܹܐ ܡܘܼܕܝܼ ܒܸܬ ܥܵܒ݂ܕܝܼ ܩܵܐ ܟܠܹܗ ܐܵܗܵܐ ܟܸܢܫܵܐ؟“

¹⁰ܐܡܝܼܪܹܗ ܐܸܠܵܝܗ‌ܝ ܝܼܫܘܿܥ: ”ܫܒ݂ܘܿܩܘܼܢ ܐܢܵܫܹ̈ܐ ܕܝܵܬܒ݂ܝܼ.“ ܐܝܼܬ ܗܘܵܐ ܓܸܠܵܐ ܪܵܒܵܐ ܒܗ̇ܝ ܕܘܼܟܵܐ. ܘܐܵܢܝܼ ܕܝܬܝܼܒ݂ ܠܗܘܿܢ ܐܲܝܟ݂ ܚܲܡܫܵܐ ܐܲܠܦܹ̈ܐ ܓܲܒ݂ܪܹ̈ܐ ܝܗܘܵܘ.

¹¹ܘܫܩܝܼܠܔ ܠܹܗ ܝܼܫܘܿܥ ܠܲܚܡܵܐ ܘܒܘܼܪܸܟ݂ ܠܹܗ ܘܦܘܼܠܸܥ ܠܹܗ ܠܐܵܢܝܼ ܕܝܼܗܘܵܘ ܝܬܝܼܒܹܐ، ܘܗܵܕܟ݂ܵܐ ܐܘܼܦ ܢܘܼܢܹ̈ܐ، ܟܡܵܐ ܕܒܥܹܐ ܠܗܘܿܢ.

¹²ܡ̣ܢ ܒܵܬܪ ܕܐܟ݂ܝܼܠܔ ܠܗܘܿܢ ܘܣܒ݂ܝܼܥ ܠܗܘܿܢ، ܐܡܝܼܪܹܗ ܝܼܫܘܿܥ ܠܬܲܠܡܝܼܕܘܼ̈ܗ‌ܝ: ”ܓ̰ܲܡܸܥܡܘܼܢ ܠܩܸܛܥܵܛܹ̈ܐ ܙܝܼܕܹܐ ܕܠܵܐ ܛܵܠܹܩ ܡܸܢܕܝܼ.“

¹³ܓ̰ܘܼܡܸܥ ܠܗܘܿܢ ܘܡܠܹܐ ܠܗܘܿܢ ܬܪܸܥܣܲܪ ܩܘܼܦܹ̈ܐ ܡ̣ܢ ܩܸܛܥܵܛܹ̈ܐ ܕܙܝܼܕ ܠܗܘܿܢ ܡ̣ܢ ܚܲܡܸܫ ܓܸܪ̈ܕܲܝܹܐ ܕܣܥܵܪܹ̈ܐ ܕܐܟ݂ܝܼܠܔ ܠܗܘܿܢ ܐܵܢܝܼ ܐܢܵܫܹ̈ܐ.

¹⁴ܐܝܼܡܲܢ ܕܚܙܹܐ ܠܗܘܿܢ ܐܢܵܫܹ̈ܐ ܢܝܼܫܲܢܩܵܐ ܕܥܒ݂ܝܼܕ ܠܹܗ ܝܼܫܘܿܥ، ܐܡܝܼܪܗܘܿܢ: ”ܫܲܪܝܼܪܵܐܝܼܬ ܐܵܗܵܐ ܝܠܹܗ ܢܒ݂ܝܼܵܐ ܕܐܵܬܹ‌ܐ ܠܕܘܼܢܝܹܐ.“

¹⁵ܝܼܫܘܿܥ ܝܕܝܼܥ ܠܹܗ ܕܒܵܥܝܼ ܗܘܵܘ ܐܵܬ‌ܝܼ ܗܘܵܘ ܘܒܚܲܝܠܵܐ ܥܵܒ݂ܕܝܼ ܗܘܵܘ ܠܹܗ ܡܲܠܟܵܐ، ܗܵܕܟ݂ܵܐ ܫܘܼܢܹܐ ܠܹܗ ܚܕܵܐ ܓܵܗܵܐ ܐܚܹܪܬܵ‌ܐ ܠܛܘܼܪܵܐ ܒܢܲܦ̮ܫܹܗ.

¹⁶ܐܝܼܡܲܢ ܕܗܘܹܐ ܠܹܗ ܪܲܡܫܵܐ، ܨܠܹܐ ܠܗܘܿܢ ܬܲܠܡܝܼܕܘܼ̈ܗ‌ܝ ܠܝܵܡܵܐ،

¹⁷ܘܐܣܝܼܩ ܠܗܘܿܢ ܠܓܵܡܝܼ ܘܛܪܹܐ ܠܗܘܿܢ ܥܲܠܔ ܝܵܡܵܐ ܠܓܹܒܵܐ ܕܟܦܲܪܢܵܚܘܿܡ، ܘܗܘܹܐ ܠܹܗ ܚܸܫܟܵܐ ܘܗܸܫ ܝܼܫܘܿܥ ܠܹܐ ܝܗܘܵܐ ܐܵܕܝܼܵܐ ܠܟܸܣܠܵܝܗ‌ܝ.

¹⁸ܦܵܘܚܵܐ ܚܲܝܠܵܢܵܐ ܒܸܡܚܵܝܵܐ ܝܗܘܵܐ، ܘܝܵܡܵܐ ܒܸܫܓ݂ܵܫܵܐ ܝܗܘܵܐ.