يەشۇئا 19:12-46

¹²ئۇ سارىدتىن شەرق تەرىپىگە قايرىلىپ، كۈن چىقىشقا بۇرۇلۇپ كىسلوت‫‪‎-‎‬‬تابور يۇرتىغا تۇتىشىپ، دابىراتقا ئۆتۈپ، يافىياغا باردى؛

¹³ئاندىن شۇ يەردىن ئۇ شەرق تەرىپىگە كۈن چىقىشقا يەنە بۇرۇلۇپ، گات‫‪‎-‎‬‬ھەفەر ۋە ئەت‫‪‎-‎‬‬كازىنغا كېلىپ نېئاھقا سوزۇلغان رىممون يۇرتىغا يېتىپ باردى.

¹⁴ئاندىن ئۇ يەردىن شىمال تەرەپكە قايرىلىپ، ھانناتونغا يېتىپ بېرىپ، يىفتاھ‫‪‎-‎‬‬ئەلنىڭ جىلغىسىدا ئاخىرلاشتى.

¹⁵ئۇلارنىڭ ئۈلۈشى يەنە كاتتات، ناھالال، شىمرون، يىدالاھ ۋە بەيت‫‪‎-‎‬‬لەھەمنىمۇ ئوراپ، جەمئىي ئون ئىككى شەھەر ۋە ئۇلارغا قاراشلىق كەنت‫‪‎-‎‬‬قىشلاقلارنىمۇ ئۆز ئىچىگە ئالاتتى.

¹⁶بۇ بولسا، يەنى بۇ شەھەرلەر ۋە ئۇلارغا قاراشلىق كەنت‫‪‎-‎‬‬قىشلاقلار زەبۇلۇنلارنىڭ مىراس ئۈلۈشى بولۇپ، جەمەت‫‪‎-‎‬‬ئائىلىلىرى بويىچە ئۇلارغا بېرىلگەنىدى.

¹⁷تۆتىنچى چەك ئىسساكارغا چىقتى، يەنى ئىسساكارلار قەبىلىسىگە جەمەت‫‪‎-‎‬‬ئائىلىلىرى بويىچە تارتىلدى؛

¹⁸ئۇلارغا بېرىلگەن يۇرتلار يىزرەئەلگىچە بولۇپ، كەسۇللوت، شۇنەم،

¹⁹ھافارئايىم، شىئون، ئاناھارات،

²⁰راببىت، كىشىئون، ئېبەز،

²¹رەمەت، ئەن‫‪‎-‎‬‬گاننىم، ئەن‫‪‎-‎‬‬ھادداھ ۋە بەيت‫‪‎-‎‬‬پاززەزنى ئۆز ئىچىگە ئالدى؛

²²ئاندىن چېگرىسى تابور، شاھازىماھ ۋە بەيت‫‪‎-‎‬‬شەمەشكە يېتىپ، ئىئوردان دەرياسىدا ئاخىرلاشتى؛ ئۇلارنىڭ ئۈلۈشى جەمئىي ئون ئالتە شەھەر ۋە ئۇلارغا قاراشلىق كەنت‫‪‎-‎‬‬قىشلاقلار ئىدى.

²³بۇ بولسا، يەنى بۇ شەھەرلەر ۋە ئۇلارغا قاراشلىق كەنت‫‪‎-‎‬‬قىشلاقلار ئىسساكارلارنىڭ مىراس ئۈلۈشى بولۇپ، جەمەت‫‪‎-‎‬‬ئائىلىلىرى بويىچە ئۇلارغا بېرىلگەنىدى.

²⁴بەشىنچى چەك ئاشىرلار قەبىلىسىگە جەمەت‫‪‎-‎‬‬ئائىلىلىرى بويىچە تارتىلدى؛

²⁵ئۇلارنىڭ زېمىنى ھەلكات، ھالى، بەتەن، ئاقساف،

²⁶ئاللاممەلەك، ئامېئاد ۋە مىشالنى ئۆز ئىچىگە ئالدى؛ چېگرىسى غەرب تەرەپتە كارمەل بىلەن شىھور‫‪‎-‎‬‬لىبناتقا تۇتىشىپ،

²⁷ئاندىن شەرق تەرەپكە قايرىلىپ بەيت‫‪‎-‎‬‬داگونغا بېرىپ، زەبۇلۇن زېمىنى بىلەن يىفتاھ‫‪‎-‎‬‬ئەل جىلغىسىنىڭ شىمال تەرىپىدىن ئۆتۈپ، بەيت‫‪‎-‎‬‬ئېمەك بىلەن نېئىئەلگە يېتىپ بېرىپ كابۇلنىڭ شىمال تەرىپىگە چىقتى؛

²⁸ئېبرون، رەھوب، ھاممون ۋە كاناھنى ئۆز ئىچىگە ئېلىپ چوڭ زىدونغا يېتىپ باردى.

²⁹ئاندىن چېگرىسى راماھ تەرىپىگە قايرىلىپ، تۇر دېگەن مۇستەھكەم شەھىرگە بېرىپ، خوساھقا قايرىلىپ، ئاقزىب بىلەن ھەبەلگە تۇتاش بولغان دېڭىزدا ئاخىرلاشتى؛

³⁰زېمىنى ئۇمماھ، ئافەك ۋە رەھوبنىمۇ ئۆز ئىچىگە ئالغان؛ جەمئىي يىگىرمە ئىككى شەھەر ۋە ئۇلارغا قاراشلىق كەنت‫‪‎-‎‬‬قىشلاقلارنى ئۆز ئىچىگە ئالغانىدى.

³¹بۇ بولسا، يەنى بۇ شەھەرلەر ۋە ئۇلارغا قاراشلىق كەنت‫‪‎-‎‬‬قىشلاقلار ئاشىرلارنىڭ مىراس ئۈلۈشى بولۇپ، جەمەت‫‪‎-‎‬‬ئائىلىلىرى بويىچە ئۇلارغا بېرىلگەنىدى.

³²ئالتىنچى چەك نافتالىغا چىقتى، يەنى نافتالىلار قەبىلىسىگە جەمەت‫‪‎-‎‬‬ئائىلىلىرى بويىچە تارتىلدى؛

³³ئۇلارنىڭ چېگرىسى بولسا ھەلەفتىن چىقىپ، زائاناننىمدىكى دۇب دەرىخىدىن ئۆتۈپ، ئادامى‫‪‎-‎‬‬نەكەب ۋە يابنەئەلدىن چىقىپ، لاككۇمغا يېتىپ ئىئوردان دەرياسىغا بېرىپ ئاخىرلاشتى.

³⁴ئاندىن غەرب تەرەپكە قايرىلىپ ئازنوت‫‪‎-‎‬‬تابورغا بېرىپ، شۇ يەردىن ھۇككوكقا چىقىپ، جەنۇبتا زەبۇلۇننىڭ ئۈلۈش زېمىنىغا تۇتىشىپ، شىمالدا ئاشىرنىڭ ئۈلۈش زېمىنىغا يېتىپ، كۈن چىقىش تەرىپىدە ئىئوردان دەرياسىنىڭ يېنىدا، يەھۇدانىڭ ئۈلۈش زېمىنىغا ئۇلاشتى.

³⁵نافتالىنىڭ مۇستەھكەم شەھەرلىرى زىددىم، زەر، ھاممات، راككات، كىننەرەت،

³⁶ئاداماھ، راماھ، ھازور،

³⁷كەدەش، ئەدرەي، ئەن‫‪‎-‎‬‬ھازور،

³⁸يىرون، مىگدال‫‪‎-‎‬‬ئەل، ھورەم، بەيت‫‪‎-‎‬‬ئانات ۋە بەيت‫‪‎-‎‬‬شەمەشلەر بولۇپ، جەمئىي ئون توققۇز شەھەر ۋە ئۇلارغا قاراشلىق كەنت‫‪‎-‎‬‬قىشلاقلار ئىدى.

³⁹بۇ بولسا، يەنى بۇ شەھەرلەر ۋە ئۇلارغا قاراشلىق كەنت‫‪‎-‎‬‬قىشلاقلار نافتالىلار قەبىلىسىنىڭ مىراس ئۈلۈشى بولۇپ، جەمەت‫‪‎-‎‬‬ئائىلىلىرى بويىچە ئۇلارغا بېرىلگەنىدى.

⁴⁰يەتتىنچى چەك دانلارنىڭ قەبىلىسىگە چىقتى؛ ئۇ ئۇلارنىڭ جەمەت‫‪‎-‎‬‬ئائىلىلىرى بويىچە تارتىلدى.

⁴¹ئۇلارنىڭ مىراس زېمىنى بولسا زورېئاھ، ئەشتائول، ئىر‫‪‎-‎‬‬شەمەش،

⁴²شائالاببىن، ئايجالون، يىتلاھ،

⁴³ئېلون، تىمناتاھ، ئەكرون،

⁴⁴ئەل‫‪‎-‎‬‬تەكەھ، گىببېتون، بائالات،

⁴⁵يەھۇد، بەنە‫‪‎-‎‬‬باراك، گات‫‪‎-‎‬‬رىممون،

⁴⁶مە‫‪‎-‎‬‬ياركون، راككون ۋە يافونىڭ ئۇدۇلىدىكى يۇرتنى ئۆز ئىچىگە ئالدى.