يَيَ 8:36-53

³⁶نَ كُي، شَ عَلَ شَ دِ وٌ شْرّيَ، عَ لِمَ وٌ شْرّيَ نَن يَتِ سْتْشِ.»

³⁷«ﭑ عَ كٌلٌن تَن، عَ عِبُرَهِمَ بْنسْي نَن نَ وٌ رَ، كْنْ وٌ كَتَقٍ ﭑ قَشَدٍ نّ وٌ تٌ تٌندِشِ ﭑ مَ مَسٍنيِ رَ.

³⁸ﭑ تَن بَرَ نَشَن تٌ بَبَ عَلَ رَ، ﭑ نَ نَن قَلَمَ. وٌ قَن بَرَ نَشَن مّ وٌ بَبَ رَ، وٌ نَ نَن نَبَمَ.»

³⁹عٍ نَشَ عَ يَابِ، «عَننَبِ عِبُرَهِمَ نَن نَ مُشُ بَبَ رَ.» عِسَ نَشَ عَ مَسٍن عٍ بّ، «شَ عِبُرَهِمَ شَ دِيٍ نَن يَتِ وٌ رَ نُ، وٌ لُمَ عِبُرَهِمَ قْشِ نَن نَبَ رَ نُ.

⁴⁰كْنْ وٌ تَن نَ كَتَقٍ ﭑ قَشَدٍ، ﭑ تَن نَشَن نْندِ قَلَمَ وٌ بّ ﭑ نَشَن مّشِ عَلَ رَ. عِبُرَهِمَ وَلِ كِ مُ لَنشِ نَ مَ.

⁴¹وٌ نَ وٌ بَبَ نَن قْشِ رَبَقٍ.» عٍ نَشَ عَ قَلَ عَ بّ، «يّنّ دِيٍ شَ مُ نَ مُشُ تَن نَ دٍ! عَلَ كٍرٍن نَن نَ مُشُ بَبَ رَ.»

⁴²عِسَ نَشَ عَ مَسٍن عٍ بّ، «شَ عَلَ نَن وٌ بَبَ رَ نُ، وٌ ﭑ شَنُمَ نّ نُ، بَرِ مَ ﭑ تٌ نَ وٌ يَ مَ بٍ، ﭑ كٍلِشِ عَلَ نَن مَ. ﭑ مُ قَشِ ﭑ يّتّ شَ رَ، عَ تَن نَن ﭑ شّيشِ.

⁴³مُنقٍ رَ وٌ مُ ﭑ شُي قَهَامُمَ؟ وٌ مُ نْشِ ﭑ مَ مَسٍنيِ رَ مّدٍ.

⁴⁴وٌ تَن بَبَ قِندِشِ عِبُلِسَ نَن نَ، عَ شْلِ مَن وٌ مَ وٌ شَ عَ تَن نَن سَفٌ رَبَ. كَبِ عَ قْلّ، قَشّتِ نَن عَ رَ. عَ مُ تِنمَ نْندِ رَ، بَرِ مَ نْندِ يٌ مُ نَ عَ شَ قٍ كُي. عَ تٌ وُلٍ قَلَمَ، عَ عَ يّتّ شُي نَن يَتِ قَلَقٍ، بَرِ مَ وُلٍ قَلّ نَن عَ رَ نَشَن قِندِشِ وُلٍ بِرِن بَبَ رَ.

⁴⁵كْنْ ﭑ تَن تٌ نْندِ نَن قَلَمَ، وٌ مُ لَمَ ﭑ نَ.

⁴⁶ندٍ نْمَ ﭑ كَلَمُدٍ يُنُبِ مَ؟ شَ ﭑ نْندِ نَن قَلَمَ، مُنقٍ رَ وٌ مُ لَشِ ﭑ نَ؟

⁴⁷مِشِ نَشَن كٍلِشِ عَلَ مَ، نَ عَلَ شُي مّمَ. نَ كُي، وٌ تَن مُ عَ مّمَ بَرِ مَ وٌ مُ كٍلِشِ عَلَ مَ.»

⁴⁸يُوِقِ كُنتِفِيٍ نَشَ عَ قَلَ، «نْندِ نَ مُشُ بّ. سَمَرِكَ حِننّ كَنيِ نَن عِ تَن نَ.»

⁴⁹عِسَ نَشَ عٍ يَابِ، «حِننّ مُ ﭑ تَن قْشْ رَ. ﭑ تَن ﭑ بَبَ نَن بِنيَمَ، كْنْ وٌ تَن ﭑ يٍلٍبُمَ.

⁵⁰ﭑ مُ ﭑ يّتّ عِفبٌمَ. عَلَ نَن ﭑ مَ قٍ عِتٍمَ. كِيتِ بِرِن نَ عَ تَن نَن يِ رَ.

⁵¹ﭑ شَ عَ قَلَ وٌ بّ عَ نْندِ كِ مَ، شَ نَشَن يٌ ﭑ شُي سُشُ، نَ كَنيِ مُ سَيَ كٌلٌنمَ عَبَدَن.»

⁵²يُوِقِيٍ نَشَ عَ قَلَ عَ بّ، «مُشُ بَرَ فّ عَ كٌلٌندٍ قَ عَ حِننّ نَن نَ عِ قْشْ رَ. عِبُرَهِمَ نُن نَمِحْنمّيٍ بِرِن لَاشِرَ نّ، كْنْ عِ تَن نَشّ، ‹شَ نَشَن يٌ ﭑ شُي سُشُ، عَ كَنيِ مُ سَيَ كٌلٌنمَ عَبَدَن.›

⁵³ثٍ، مُشُ بٍنبَ عِبُرَهِمَ تٌ قَ لَاشِرَ نّ، عِ تَن دَنفِ عَ رَ؟ نَمِحْنمّيٍ قَن لَاشِرَ نّ. عِ تَن قَ عِ يّتّ قِندِشِ ندٍ رَ؟»