يَيَ 7:18-46

¹⁸مِشِ نَشَن وْيّنمَ عَ يّتّ شَشِلِ مَ، عَ مَتْشْي قٍنقٍ عَ يّتّ نَن بّ. كْنْ نَشَن مَتْشْي قٍنقٍ عَ شّيمَ بّ، نْندِ قَلّ نَن نَ كَنيِ رَ، تِنشِنتَرٍيَ يٌ مُ نَشَن بْحّ مَ.

¹⁹عَننَبِ مُنسَ يَتِ نَن عَلَ شَ سّرِيّ سٌشِ وٌ يِ رَ، كْنْ وٌ مُ عَ رَتِنمّشِ. مُنقٍ رَ وٌ وَ مَ ﭑ قَشَقٍ؟»

²⁰حَمَ نَشَ عَ قَلَ، «حِننّ نَن نَ عِ قْشْ رَ! ندٍ كَتَقٍ عِ قَشَدٍ؟»

²¹عِسَ نَشَ عٍ يَابِ، «ﭑ كَابَنَكٌ كٍرٍن نَن نَبَ، عَ قَ وٌ بِرِن دّ عِشَرَ.

²²مُنسَ عَ بٍنبَيٍ شَ سّرِيّ قَلَشِ نّ وٌ بّ عَ وٌ شَ وٌ شَ دِ شّمّيٍ سُننَ. وٌ نَ رَبَمَ هَلِ مَلَبُ لْشْي.

²³شَ شّمّ سُننَمَ مَلَبُ لْشْي عَلَكٌ عَننَبِ مُنسَ شَ سّرِيّ نَشَ قَ كَنَ، وٌ شْنْمَ ﭑ تَن مَ مُنقٍ رَ، ﭑ تٌ قُرٍ مَ قَتٍ بِرِن نَيَلَن مَلَبُ لْشْي مَ؟

²⁴وٌ شَ قٍيٍ كُي مَتٌ عَ قَنيِ رَ بٍينُن وٌ شَ كِيتِ سَ. كِيتِ شَ تِنشِن.»

²⁵دَرِ سَلَمُكَ ندٍيٍ نُ عَ قَلَقٍ، «كُنتِفِيٍ مُ نَ كَتَقٍ يِ شَ قَشَدٍ؟

²⁶عَ مَتٌ، عَ تَن نَن وْيّنقٍ كّنّ مَ يِ كِ، كْنْ عٍ مُ سٍسٍ قَلَمَ عَ بّ! كَ عٍ بَرَ لَ عَ رَ، عَ عَلَ شَ مِشِ سُفَندِشِ نَ عَ رَ؟

²⁷كْنْ وٌن بِرِن عِسَ بَرِدٍ كٌلٌن. عَلَ شَ مِشِ سُفَندِشِ تَن نَ قَ، عَ بَرِدٍ مُ كٌلٌنمَ.»

²⁸نَ كُي، عِسَ نَشَ كَوَندِ تِ عَ شُي عِتٍشِ رَ هْرْ مْبَنشِ كُي، «وٌ ﭑ كٌلٌن، وٌ ﭑ كٍلِدٍ قَن كٌلٌن؟ كْنْ ﭑ تَن مُ قَشِ ﭑ يّتّ كَن حَنِفٍ شَ مَ. نْندِ كَنيِ نَن ﭑ شّيشِ، كْنْ وٌ تَن مُ عَ كٌلٌن.

²⁹ﭑ تَن عَ كٌلٌن، بَرِ مَ ﭑ قَتَنشِ عَ تَن نَن نَ. عَ تَن نَن ﭑ شّيشِ.»

³⁰نَ كُي، عٍ نَشَ كَتَ عَ سُشُدٍ، كْنْ عٍ مُ نْ، بَرِ مَ عَ شَ وَشَتِ مُ نُ عَ لِشِ سِندٍن.

³¹كْنْ حَمَ يَ مَ مِشِ فبٍفبٍ نَشَ دَنشَنِيَ عِسَ مَ، عٍ نُ عَ قَلَ، «عَلَ شَ مِشِ سُفَندِشِ نَ قَ، عَ تْنشُمَ مَكَابَشِيٍ رَبَمَ دَنفِ يِ شّمّ رَ؟»

³²قَرِ سّنِيٍ تٌ عَ مّ، حَمَ نُ نَشَن مَكْيِكْيِقٍ عِسَ شَ قٍ رَ، عٍ تَن نُن سّرّشّدُبّ كُنتِفِيٍ نَشَ هْرْ مْبَنشِ كْسِبِلِيٍ شّي، عٍ شَ سَ عِسَ سُشُ.

³³عِسَ نَشَ عَ مَسٍن، «ﭑ نَ وٌ يَ مَ سِندٍن دٌندٌرٌنتِ، ﭑ قَ سِفَ ﭑ شّيمَ يِرٍ.

³⁴وٌ قَمَ نّ ﭑ قٍندٍ، كْنْ وٌ مُ ﭑ تٌمَ. ﭑ سَ لُمَ دّننَشّ، وٌ مُ نْمَ نَا لِدٍ.»

³⁵يُوِقِ كُنتِفِيٍ نَشَ عٍ بٌرٍ مَشْرِن، «يِ وَ مَ سِفَقٍ مِندٍن، وٌن مُ سَ نْمَ عَ تٌدٍ دّننَشّ؟ كَ عَ وَشِ نّ عَ شَ سَ سَبَتِ حَمَنّ فبّتّ عَلْ مُشُ شَ مِشِ ندٍيٍ، عَلَكٌ عَ شَ سَ سِ فبّتّيٍ شَرَن؟

³⁶عَ تٌ عَ مَسٍنشِ عَ مُشُ قَمَ عَ قٍندٍ كْنْ مُشُ مُ عَ تٌمَ، عَ عَ سَ لُمَ دّننَشّ، مُشُ مُ نْمَ نَا لِدٍ، عَ وَشِ مُنسٍ قَلَقٍ؟»

³⁷نَ سَلِ وَشَتِ لْشْ دْنشْي مَ، نَشَن تِدٍ فبٌ بٌورٍ بِرِن بّ، عِسَ نَشَ كٍلِ، عَ عَ مَسٍن عَ شُي عِتٍشِ رَ، «يٍ شْلِ نَ نَشَن يٌ مَ، عَ شَ قَ ﭑ شْن، عَ شَ عَ مِن.

³⁸عَلْ كِتَابُي عَ مَسٍنشِ كِ نَشّ، نَشَن يٌ نَ دَنشَنِيَ ﭑ مَ، كِسِ يٍ بُلَمَ نّ عَ بْحّ كُي، عَلْ شُرٍ نَشَن سُسُمَ.»

³⁹عَ نُ نَ عَلَ شَشِلِ نَن مَ قٍ مَسٍنقٍ، عَ شَ دَنشَنِيَتْييٍ نُ قَمَ نَشَن سْتْدٍ. نَ وَشَتِ، عَلَ شَشِلِ مُ نُ قَشِ سِندٍن، بَرِ مَ عِسَ شَ شُننَكٍلِ مُ نُ مَكّنّنشِ سِندٍن.

⁴⁰حَمَ تٌ عَ شَ مَسٍنيِ مّ، ندٍيٍ نَشَ عَ قَلَ، «مُشُ نُ نَمِحْنمّ نَشَن مَمّشِ عَ شَ قَ، عَ تَن نَن يَتِ يِ كِ!»

⁴¹فبّتّ قَن نَشَ عَ قَلَ، «عَلَ شَ مِشِ سُفَندِشِ نَن نَ يِ رَ!» كْنْ ندٍيٍ قَن نَشَ عَ قَلَ، «عَلَ شَ مِشِ سُفَندِشِ قِندِ مَ فَلِلٍكَ رَ؟

⁴²كِتَابُي مُ عَ مَسٍنشِ شّ، عَ عَلَ شَ مِشِ سُفَندِشِ كٍلِمَ دَوُدَ بْنسْي نّ، عَ كٍلِ بّتّلّيمُ، دَوُدَ شْنيِ؟»

⁴³نَ كُي، حَمَ مُ نُ لَنشِ عِسَ شَ قٍ مَ.

⁴⁴ندٍيٍ نُ وَ مَ عَ سُشُقٍ، كْنْ مِشِ يٌ مُ نْ.

⁴⁵نَ كُي، كْسِبِلِيٍ نَشَ فبِلٍن سّرّشّدُبّ كُنتِفِيٍ نُن قَرِ سّنِيٍ يِرٍ. نَ كُنتِفِيٍ نَشَ عٍ مَشْرِن، «مُنقٍ رَ وٌ مُ قَشِ عَ رَ بٍ؟»

⁴⁶كْسِبِلِيٍ نَشَ عٍ يَابِ، «عَ شَ مَسٍنيِ دَنفِ عَدَ مَدِيٍ شَ مَسٍنيِ بِرِن نَ.»