يَيَ 6:40-68

⁴⁰نَ نَن قِندِشِ ﭑ بَبَ سَفٌي رَ، عَ نَشَن يٌ نَ دَنشَنِيَ عَ شَ دِ مَ، نَ كَنيِ شَ عَبَدَن كِسِ سْتْ، ﭑ مَن شَ عَ رَكٍلِ قَشّ مَ لْشْ دْنشْي مَ.»

⁴¹نَ كُي، يُوِقِيٍ نَشَ سٌ عَ مَقَلَقٍ، بَرِ مَ عَ نُ بَرَ عَ قَلَ، «ﭑ تَن نَن نَ تَامِ رَ نَشَن فٌرٌ كٍلِ كٌورٍ.»

⁴²عٍ نُ عَ قَلَمَ نّ، عٍ نَشّ، «عِسَ شَ مُ يِ كِ، يُسُقُ شَ دِ؟ وٌن مُ عَ نفَ نُن عَ بَبَ كٌلٌن؟ عَ قَ عَ قَلَمَ دِ، عَ عَ فٌرٌشِ نّ كٍلِ كٌورٍ؟»

⁴³عِسَ نَشَ عٍ يَابِ، «وٌ بَ وْيّنقٍ وٌ بٌرٍ تَفِ نَ مْولِ رَ.

⁴⁴مِشِ يٌ مُ نْمَ قَدٍ ﭑ مَ، شَ بَبَ عَلَ، نَشَن ﭑ شّيشِ، مُ عَ كَنيِ مَبّندُن ﭑ مَ. ﭑ قَن قَمَ عَ كَنيِ رَكٍلِدٍ قَشّ مَ لْشْ دْنشْي.

⁴⁵عَ سّبّشِ نَمِحْنمّيٍ شَ كِتَابُي كُي، ‹عَلَ قَمَ نّ عٍ بِرِن شَرَندٍ.› نَشَن يٌ نَ بَبَ عَلَ شُي رَ مّ، عَ عَ شَ مَسٍنيِ سُشُ، نَ كَنيِ تَن قَمَ نّ ﭑ مَ.

⁴⁶مِشِ يٌ مُ نَ نَشَن بَرَ بَبَ عَلَ تٌ، بَقٍ مِشِ رَ نَشَن قَتَنشِ عَلَ رَ. نَ كٍرٍن نَن بَرَ بَبَ عَلَ تٌ.»

⁴⁷«ﭑ شَ عَ قَلَ وٌ بّ عَ نْندِ كِ مَ، نَشَن نَ دَنشَنِيَ ﭑ مَ، عَ بَرَ عَبَدَن كِسِ سْتْ.

⁴⁸ﭑ تَن نَن نَ كِسِ تَامِ رَ.

⁴⁹وٌ بٍنبَيٍ تَامِ دٌن نّ فبٍنفبٍرٍنيِ مَ، كْنْ عٍ بِرِن نَشَ قَشَ.

⁵⁰تَامِ نَشَن فٌرٌشِ كٍلِ كٌورٍ، عَ نَ بٍ. نَشَن يٌ نَ يِ تَن دٌن، نَ كَنيِ مُ قَشَمَ.

⁵¹ﭑ تَن نَن نَ نَ كِسِ تَامِ رَ نَشَن فٌرٌشِ كٍلِ كٌورٍ. نَشَن يٌ نَ يِ تَامِ تَن دٌن، عَ كِسِمَ نّ عَبَدَن. يِ تَامِ قِندِشِ ﭑ قَتٍ نَن نَ، ﭑ نَشَن قِمَ سّرّشّ رَ عَلَكٌ دُنِحَ شَ كِسِ سْتْ.»

⁵²نَ كُي، سْنشْي نَشَ مِنِ يُوِقِيٍ تَفِ، عٍ نُ عَ قَلَ، «ثٍ، يِ شّمّ نْمَ عَ قَتٍ سُبٍ سٌدٍ وٌن يِ رَ دِ، وٌن شَ عَ دٌن؟»

⁵³عِسَ نَشَ عَ مَسٍن عٍ بّ، «ﭑ شَ عَ قَلَ وٌ بّ عَ نْندِ كِ مَ، شَ وٌ مُ عَدَ مَ شَ دِ قَتٍ سُبٍ دٌن، شَ وٌ مُ عَ وُلِ مِن، كِسِ مُ وٌ بّ.

⁵⁴نَشَن ﭑ سُبٍ دٌنمَ، عَ ﭑ وُلِ مِن، نَ كَنيِ كِسِمَ نّ عَبَدَن، ﭑ عَ رَكٍلِمَ نّ قَشّ مَ لْشْ دْنشْي.

⁵⁵ﭑ قَتٍ نَن قِندِشِ بَلٌي يَتِ رَ. ﭑ وُلِ نَن قِندِشِ مِنسٍ يَتِ رَ.

⁵⁶نَشَن ﭑ سُبٍ دٌنمَ، عَ ﭑ وُلِ مِن، ﭑ بَرَ سَبَتِ نَ كَنيِ عِ، عَ قَن بَرَ سَبَتِ ﭑ قَن عِ.

⁵⁷بَبَ عَلَ تٌ ﭑ شّيشِ، كِسِ قَتَنمَ نَشَن نَ، كِسِ نَ ﭑ قَن يِ عَ تَن سَابُي رَ. نَ مْولِ مَن نَ، نَشَن بَلٌمَ ﭑ تَن مَ، نَ كَنيِ كِسِمَ ﭑ سَابُي رَ.

⁵⁸تَامِ نَشَن فٌرٌشِ كٍلِ كٌورٍ، عَ نَ بٍ. عَ مُ لُشِ عَلْ وٌ بٍنبَيٍ تَامِ نَشَن دٌن. عٍ تَن قَشَ نّ. نَشَن يِ تَامِ تَن دٌنمَ، نَ كَنيِ كِسِمَ نّ عَبَدَن.»

⁵⁹عِسَ يِ مَسٍنيِ تِ نّ عَ نُ مِشِيٍ كَوَندِ مَ تّمُي نَشّ كَثّرّنَمُ سَلِدٍ كُي.

⁶⁰عٍ تٌ عَ شَ مَسٍنيِ مّ، عَ قْشِرَبِرّ وُيَشِ نَشَ عَ قَلَ، «يِ مَسٍنيِ تَن شْرْشْ دٍ! ندٍ نْمَ تِندٍ عَ رَ؟»

⁶¹عِسَ تٌ عَ كٌلٌن عَ عَ قْشِرَبِرّيٍ نَ يِ وْيّنيِ قَلَقٍ عٍ بٌرٍ تَفِ، عَ نَشَ عٍ مَشْرِن، «ﭑ مَ مَسٍنيِ بَرَ وٌ رَشْنْ؟

⁶²شَ عَ سَ لِ فٌ، وٌ سَ عَدَ مَ شَ دِ تٌ تٍ رَ كٌورٍ مَ، عَ كٍلِشِ دّننَشّ؟

⁶³عَلَ شَشِلِ سّنِيّنشِ نَن كِسِ قِمَ مِشِ مَ. قَتٍ بّندّ تَن مُ نْمَ سٍسٍ رَ. ﭑ مَسٍنيِ نَشَن تِشِ وٌ بّ، عَ عَلَ شَشِلِ سّنِيّنشِ نُن كِسِ سْتْ كِ نَن مَسٍنمَ.

⁶⁴كْنْ مِشِ ندٍيٍ نَ وٌ يَ مَ، نَشٍيٍ مُ دَنشَنِيَشِ.» عِسَ نَ قَلَ نّ بَرِ مَ كَبِ عَ قْلّ، عَ نُ عَ كٌلٌن نَشٍيٍ مُ دَنشَنِيَشِ، عَ نُن نَشَن قَمَ عَ يَنقَدٍ، عَ عَ سَ كُنتِفِيٍ بّلّشّ.

⁶⁵عَ مَن نَشَ عَ مَسٍن، «نَ نَن عَ رَ، ﭑ عَ قَلَشِ نّ وٌ بّ، عَ مِشِ يٌ مُ نْمَ قَدٍ ﭑ شْن مَ، شَ بَبَ عَلَ مُ نَ دَنشَنِيَ قِ عَ مَ.»

⁶⁶نَ شَنبِ، عَ قْشِرَبِرّ فبٍفبٍ نَشَ حَنِفٍ مَسَرَ، عٍ فبِلٍن عَ قْشْ رَ.

⁶⁷نَ كُي، عِسَ نَشَ عَ قْشِرَبِرّ قُ نُن قِرِنيِيٍ مَشْرِن، «وٌ تَن فٌ؟ وٌ قَن وَ مَ كٍلِقٍ ﭑ شُن مَ؟»

⁶⁸سِمْن ثِيّرِ نَشَ عَ يَابِ، «مَرِفِ، شَ مُشُ فبِلٍن عِ قْشْ رَ، مُشُ قَ سِفَمَ ندٍ شْن مَ؟ عَبَدَن كِسِ مَسٍنيِ نَ عِ تَن نَن يِ.