يَيَ 6:3-29

³عِسَ نَشَ تٍ فٍيَ قَرِ، عَ سَ دْشْ نَا عَ نُن عَ قْشِرَبِرّيٍ.

⁴يُوِقِيٍ شَ سَيَمَلٍكّ دَنفِ سَلِ نُ بَرَ مَكْرّ.

⁵عِسَ تٌ عَ يَ رَ سِفَ، عَ نَشَ حَمَ فبٍفبٍ تٌ قَ رَ عَ يِرٍ، عَ نَشَ قِلِثُ مَشْرِن، «وٌن سَ نْمَ تَامِ سَرَدٍ مِندٍن عَلَكٌ يِ مِشِ بِرِن شَ عٍ دّفٍ؟»

⁶عَ نَ قَلَ نّ عَلَكٌ عَ شَ قِلِثُ مَتٌ، بَرِ مَ عِسَ حَن نُ عَ كٌلٌن عَ قَقٍ نَشَن نَبَدٍ.

⁷قِلِثُ نَشَ عَ يَابِ، «هَلِ وٌن تَامِ سَرَ شِ كّمّ قِرِن وَلِ سَرٍ نَن نَ، نَ مُ عَ نِيَمَ يِ حَمَ مِشِ بِرِن شَ نْ تَامِ شُنتُندِ سْتْدٍ.»

⁸عِسَ قْشِرَبِرّ عَندِرٍ، سِمْن ثِيّرِ شُنيَ، عَ نَشَ عَ قَلَ،

⁹«مّنفِ تَامِ سُولِ نَ يِ شّمّ دِ مّدِ يِ رَ، عَ نُن يّشّ قِرِن، كْنْ نَ قِندِشِ مُنسٍ رَ يِ حَمَ بّ؟»

¹⁰عِسَ نَشَ عَ مَسٍن، «وٌ عَ قَلَ حَمَ بّ عٍ شَ عٍ مَفٌرٌ.» حٌوفٍ شِندٍ فبٍفبٍ تٌ نُ نَ نَا، مِشِيٍ نَشَ دْشْ بْشِ، عٍ شّمّ مِشِ وُلُ سُولِ حْندْن.

¹¹نَ تّمُي، عِسَ نَشَ نَ تَامِ سُولِ تٌنفٌ، عَ عَلَ تَنتُ، عَ عٍ عِتَشُن حَمَ مَفٌرٌشِ مَ، عَ عَ رَبَ نَ كِ نّ يّشّ قَن نَ. بِرِن نَشَ عَ سْتْ، هَن عٍ بِرِن نَشَ وَ سَ.

¹²حَمَ تٌ لُفَ، عِسَ نَشَ عَ قَلَ عَ قْشِرَبِرّيٍ بّ، «وٌ دٌنسٍ دْنشْي شُنتُنيِيٍ مَلَن، عَلَكٌ سٍسٍ نَشَ مَكَنَ.»

¹³نَ كُي، عٍ نَشَ مِشِيٍ شَ دٌنسٍ دْنشْي شُنتُنيِيٍ مَلَن هَن دٍبٍ قُ نُن قِرِن نَشَ رَقٍ. نَ بِرِن قَتَن مّنفِ تَامِ فُندِ سُولِ نَن نَ.

¹⁴حَمَ تٌ عِسَ شَ تْنشُمَ مَكَابَشِ تٌ، عٍ نَشَ عَ قَلَ، «مُشُ بَرَ نَمِحْنمّ نَشَن مَمّ عَ شَ قَ دُنِحَ مَ، عَ تَن نَن يَتِ يِ كِ!»

¹⁵عِسَ تٌ عَ كٌلٌن عَ عٍ نُ قَقٍ عَ سُشُدٍ نّ عٍ شَ عَ قِندِ مَنفّ رَ، عَ نَشَ كٍلِ عٍ شُن مَ، عَ سَ لُ عَ كٍرٍنيِ مَ فٍيَ قَرِ.

¹⁶نُنمَرٍ تٌ سٌ، عِسَ قْشِرَبِرّيٍ نَشَ فٌرٌ بَا دّ رَ،

¹⁷عٍ بَكِ كُنكُي كُي، عٍ شَ بَا عِفِرِ سِفَقٍ رَ كَثّرّنَمُ. دِ مِ نُ بَرَ سِن، كْنْ عِسَ مُ نُ فبِلٍن عٍ يِرٍ سِندٍن.

¹⁸قٌيٍ بٍلٍبٍلٍ نَشَ مِنِ، بَا نَشَ شَاحّ.

¹⁹عٍ تٌ لَالَ بَ كِلٌ سُولِ شَ نَ مُ سٍننِ حْندْن، عٍ نَشَ عِسَ تٌ حّرّ رَ يٍ قَرِ، عَ قَقٍ عٍ مَبِرِ كُنكُي يِرٍ. عٍ نَشَ فَاشُ.

²⁰كْنْ عِسَ نَشَ عَ قَلَ عٍ بّ، «ﭑ تَن نَن عَ رَ. وٌ نَشَ فَاشُ.»

²¹عٍ تٌ نُ وَ مَ عَ شَ تٍ كُنكُي كُي، كُنكُي نَشَ عٍ سِفَدٍ لِ كٍرٍن نَ.

²²كُيٍ نَشَ عِبَ حَمَ رَ بَا دّ، عِسَ قْشِرَبِرّيٍ كُنكُي تٌنفٌ دّننَشّ. عٍ نُ عَ كٌلٌن عَ نَ كُنكُي كٍرٍنيِ نَن نُ نَ نَا، عَ قَ لِ عِسَ مُ بَكِ عَ كُي، قٌ عَ قْشِرَبِرّيٍ دٌرٌ.

²³كُنكُي فبّتّ نَشٍيٍ كٍلِ تِبٍرِيَسِ، نٍيٍ نَشَ عٍ لِ مّننِ، عٍ تَامِ دٌن دّننَشّ، مَرِفِ نَشَن سٌ عٍ يِ عَ تٌ فّ عَلَ تَنتُدٍ.

²⁴مِشِيٍ تٌ عَ كٌلٌن عَ عِسَ مُ نُ نَ مّننِ سْنْن، عَ قْشِرَبِرّيٍ قَن مُ نَ، عٍ قَن نَشَ بَكِ كُنكُييٍ كُي، عٍ فِرِ كَثّرّنَمُ، عِسَ قٍندٍ.

²⁵عٍ تٌ عِسَ لِ بَا نَاكِرِ مَ، عٍ نَشَ عَ مَشْرِن، «كَرَ مْشْ، عِ قَشِ بٍ مُن تّمُي؟»

²⁶عِسَ نَشَ عٍ يَابِ، «عَ نْندِ كِ مَ ﭑ شَ عَ قَلَ وٌ بّ، وٌ مُ ﭑ قٍنقٍ شّ ﭑ تٌ تْنشُمَ مَكَابَشِ رَبَ وٌ يَ شْرِ. وٌ ﭑ قٍنقٍ نّ وٌ تٌ لُفَشِ تَامِ رَ.

²⁷وٌ نَشَ وَلِ دُنِحَ بَلٌي شَ قٍ رَ، نَشَن بْرْ مَ. وٌ شَ وَلِ بَلٌي نَن مَ قٍ رَ نَشَن بُمَ، عَ عَبَدَن كِسِ قِ وٌ مَ. عَدَ مَ شَ دِ نَن نَ بَلٌي قِمَ وٌ مَ، بَرِ مَ بَبَ عَلَ بَرَ عَ تَن نَن مَتْنشُمَ عَ شَ مِشِ سُفَندِشِ رَ.»

²⁸نَ كُي، حَمَ نَشَ عِسَ مَشْرِن، «مُشُ لَنمَ مُشُ شَ مُنسٍ رَبَ عَلَكٌ مُشُ شَ نُ كّوَلِيٍ رَبَ عَلَ وَ مَ نَشٍيٍ شْن؟»

²⁹عِسَ نَشَ عٍ يَابِ، «عَلَ وَ مَ كّوَلِ نَشَن شْن، عَ قِندِشِ يِ نَن نَ؛ وٌ شَ دَنشَنِيَ عَ شَ شّيرَ مَ.»