يَيَ 3:23-35

²³يَيَ قَن نُ مِشِيٍ شُنشَمَ يٍ شْورَ عٍنٌن نّ، سَلِمٌن قّ مَ، بَرِ مَ يٍ فبٍفبٍ نُ نَ نَا. مِشِيٍ نُ سِفَمَ عَ شْن، عَ تَن نُ عٍ شُنشَ يٍ شْورَ.

²⁴عَ عَ لِشِ نَ تّمُي، عَ مُ نُ سَشِ فٍيلِ سِندٍن.

²⁵لْشْ ندٍ، وْيّنيِ نَشَ مِنِ يَيَ قْشِرَبِرّيٍ نُن يُوِقِ ندٍ تَفِ مَرَ سّنِيّنيِ شَ قٍ رَ.

²⁶عٍ نَشَ سِفَ يَيَ يِرٍ، عٍ عَ قَلَ عَ بّ، «كَرَ مْشْ، وٌ نُن شّمّ نَشَن نُ عَ رَ يُرُدّن نَاكِرِ مَ، عِ بَرَ نَشَن مَ قٍ سٍيدٍ بَ، عَ نَ مِشِيٍ شُنشَقٍ يٍ شْورَ. بِرِن نَ سِفَقٍ عَ يِرٍ.»

²⁷يَيَ نَشَ عٍ يَابِ، «مِشِ مُ قٍقٍ سْتْمَ، قٌ عَلَ نَ نَشَن قِ عَ مَ.

²⁸وٌ تَن يَتِ بَرَ قِندِ ﭑ مَ سٍيدٍيٍ رَ، عَ ﭑ عَ مَسٍن نّ، ‹ﭑ تَن شَ مُ قِندِشِ عَلَ شَ مِشِ سُفَندِشِ رَ. ﭑ شّيشِ عَ يَ رَ نّ.›

²⁹شّمّ نَشَن فِنّ قٍنشِ، عَ تَن نَن قِندِ مَ فِنّ كَنيِ رَ. عَ دّقَنبٌورٍ تَن لُمَ عَ قّ مَ نّ، عَ عَ تُلِ مَتِ عَ رَ حّلّشِنيِ كُي. ﭑ تَن لُمَ نَ كِ نّ عِسَ بّ. ﭑ مَ سّيوّ بَرَ كَمَلِ.

³⁰قٌ عِسَ شَ قٍ شَ عِتٍ نّ، ﭑ فبٍ شَ عِفٌرٌ.»

³¹«نَشَن كٍلِشِ كٌورٍ، عَ تَن دَنفِ بِرِن نَ. نَشَن كٍلِشِ دُنِحَ مَ، دُنِحَ مِشِ نَن عَ رَ نَشَن وْيّنمَ عَ دُنِحَ كِ مَ، كْنْ نَشَن تَن كٍلِشِ عَرِيَننَ، عَ تَن دَنفِ بِرِن نَ.

³²عَ تَن قٍ نَن سٍيدٍ بَمَ، عَ بَرَ نَشَن تٌ، عَ مَن بَرَ نَشَن مّ، كْنْ مِشِ يٌ مُ لَمَ عَ شَ سٍيدٍحْشْيَ رَ.

³³مِشِ نَشَن لَمَ نَ سٍيدٍحْشْيَ رَ، عَ بَرَ عَ كٌلٌن عَ عَلَ نْندِ نَن قَلَمَ.

³⁴عَلَ شَ شّيرَ عَلَ شَ مَسٍنيِ نَن تِمَ، بَرِ مَ عَ كَمَلِشِ عَلَ شَشِلِ سّنِيّنشِ رَ.

³⁵بَبَ عَلَ عَ شَ دِ شَنُشِ نّ، عَ قٍ بِرِن سَ عَ بّلّشّ.