12نَ شَنبِ، عَ نَشَ سَ فٌرٌ كَثّرّنَمُ، عَ نُن عَ نفَ، عَ شُنيَيٍ، نُن عَ قْشِرَبِرّيٍ. عٍ نَشَ سَ شِ ندٍيٍ رَدَنفِ نَا.
13يُوِقِيٍ شَ سَيَمَلٍكّ دَنفِ سَلِ تٌ مَكْرّ، عِسَ نَشَ تٍ دَرِ سَلَمُ.
14عَ نَشَ سَ لِ، نِنفٍ، يّشّي، نُن فَنبّ مَتِيٍ نُ نَ هْرْ مْبَنشِ يِرٍ، كْبِرِ مَسَرّيٍ قَن نُ دْشْشِ نَا.
15عِسَ نَشَ لُوتِ ندٍيٍ يَءِلَن لُشُسِنيِ رَ، عَ يُلّيٍ بِرِن كٍرِ هْرْ مْبَنشِ كُي، عَ نُن عٍ شَ نِنفٍيٍ نُن يّشّييٍ. عَ نَشَ كْبِرِ مَسَرّيٍ شَ كْبِرِ رَيٍنسٍن بْشِ، عَ عٍ شَ تٍيبِلِيٍ رَبِرَ.
16عَ نَشَ عَ قَلَ فَنبّ مَتِيٍ قَن بّ، «وٌ يٍيٍ تٌنفٌ بٍ! وٌ بَ ﭑ بَبَ شَ بَنشِ قِندِقٍ مَكِتِ رَ!»
17عَ قْشِرَبِرّيٍ نَشَ رَتُ نَ كِتَابُي سّبّلِ مَ نَشَن عَ قَلَمَ، «شَنُنتٍيَ بَرَ فبٌ يّ ﭑ بْحّ كُي عِ شَ بَنشِ شَ قٍ رَ.»