يَبُرَ 73:1-24

¹عَسَقِ شَ بّيتِ نْندِ هَفِفّ نَن يَ؛ عَلَ قَن عِسِرَيِلَ بّ، عَ قَن مِشِيٍ بّ نَشٍيٍ سٌندٌنيِ سّنِيّنشِ.

²عَ فبٍ مُ نُ لُشِ ﭑ تَن يَتِ شَ بَ كِرَ مَ، ﭑ سَنيِيٍ شَ بِرَ كِرَ فبّتّ قْشْ رَ.

³ﭑ نُ يّتّ عِفبٌي تْونّمَ، ﭑ تٌ عَ تٌ مِشِ حَاشِيٍ قِندِشِ نَاقُلِ كَنيِيٍ رَ.

⁴سٍسٍ مُ عٍ عِقُمَ هَن عٍ شَ قَشّ، عٍ قَتٍ يَلَنشِ تُن.

⁵عٍ مُ عَدَ مَدِيٍ شَ تْورّ كٌلٌن، عٍ مُ حَشَنكَتَشِ عَلْ بٌورٍيٍ.

⁶يّتّ عِفبٌحَ قِندِشِ شُنمَسٍ نَن نَ عٍ بّ، عٍ مِشِ تْورْ مَ لْشْ يٌ لْشْ.

⁷عٍ عٍ يَ تِمَ سٍ بِرِن نَ، عٍ وَشْنقٍ بَرَ دَنفِ عَ عِ.

⁸عٍ يٌمَ مِشِ مَ، عٍ قٍ حَاشِ حَنِفٍمَ يّتّ عِفبٌحَ كُي.

⁹عٍ عَلَ قٍ مَبٍرٍ مَ، عٍ دّ مُ دِكِمَ سٍسٍ قَلَقٍ رَ دُنِحَ مَ.

¹⁰نَ نَن عَ رَ، عَلَ شَ حَمَ عَ شُن تِمَ عٍ رَ، عٍ لَ عٍ شَ وْيّنيِيٍ رَ.

¹¹عٍ نَشّ، «عَلَ تَن وٌن حّرّ كِ كٌلٌنمَ دِ؟ قَهَامُي مُندُن نَ عَ بّ؟»

¹²مِشِ حَاشِيٍ نَ نَ كِ نّ. عٍ بْحّ سَشِ نَاقُلِ يِرِوَقٍ كُي.

¹³ﭑ حْشْ عَ مَ، «ﭑ نَن ﭑ بْحّ رَ سّنِيّنشِ نّ قُ. ﭑ فبِلٍنقٍ قٍ كٌبِيٍ قْشْ رَ، نَ مُ قَنشِ ﭑ بّ.

¹⁴ﭑ حَشَنكَتَشِ تّمُي بِرِن، لْشْ يٌ لْشْ ندٍ سَمَ ﭑ مَ كٌتٍ شُن.»

¹⁵شَ ﭑ سَ نَ مْولِ قَلَ نُ، ﭑ بَرَ يَنقَنتٍيَ رَبَ عِ شَ دِيٍ رَ نُ.

¹⁶عَوَ، ﭑ نَشَ قَهَامُي قٍن يِ قٍ مَ. نَ نُ شْرْشْ ﭑ بّ،

¹⁷هَن ﭑ سٌ لْشْي عَلَ شَ هْرْ مْلِنفِرَ كُي، ﭑ قَ عَ مَحْشُن قٍ نَشَن قٍ كٌبِ رَبَيٍ لِمَ.

¹⁸عِ عٍ تِمَ كِرَ سَلَشُنشِ نَن شْن مَ، عِ قَ عٍ شُن نَكَنَ.

¹⁹عٍ شَ قٍ حْنمَ كٍرٍنيِ نَن نَ، قٍ مَفَاشُشِ عٍ شَنِنمَ نّ.

²⁰مَرِفِ، عَلْ شِيٍ دَنفِمَ كِ نَشّ مِشِ شُنُ تّمُي، عِ نَ كٍلِ، عٍ قَن شَ قٍ بَمَ عِ يَ عِ نَ كِ نّ.

²¹ﭑ بْحّ تٌ نُ مَحَاشُمَ، عَ نُ لُشِ نّ ﭑ بّ عَلْ تَنبّ نَن ﭑ سْشْمَ.

²²دَشُي نَن نُ ﭑ نَ، ﭑ مُ نُ سٍسٍ قَهَامُشِ. ﭑ نُ لُشِ نّ عَلْ شُرُ سٍ شَشِلِتَرٍ عِ يَ عِ.

²³كْنْ هَن يَ ﭑ نَ عِ سّيتِ مَ، ﭑ يِرٍقَنيِ بّلّشّ سُشُشِ عِ يِ رَ.

²⁴عِ ﭑ نَحّرّ مَ عِ شَ مَرَ سِ رَ، عِ مَن ﭑ نَسّنّمَ نّ عِ شَ نْرّ كُي.