يَبُرَ 69:1-36

¹دَوُدَ شَ بّيتِ بّيتِبَيٍ شَ مَنفّ بّ. عَ شَ بَ عَلْ بّيتِ نَشَن شِلِ، «قُفٍ تٌقَنيِيٍ.»

²عَلَ، ﭑ نَكِسِ! يٍ بَرَ تٍ هَن ﭑ كْنيِ.

³ﭑ نَ بِرِقٍ بٌورَ تِلِنشِ كُي، ﭑ سَنيِ مُ تِدٍ يٌ سْتْقٍ. ﭑ نَ مَدُلَقٍ يٍ شْورَ.

⁴ﭑ بَرَ عِ شِلِ هَن ﭑ بَرَ تَفَن، ﭑ شُي يٌ مُ نَ سْنْن، ﭑ يَ بَرَ ﭑ شْنْ عِ قٍنقٍ رَ.

⁵ﭑ شْنمِشِيٍ بَرَ وُيَ دَنفِ ﭑ شُنسّشّ رَ. سّنبّمَيٍ نَن عٍ رَ نَشٍيٍ وَ مَ ﭑ قَشَقٍ. عٍ قِندِ ﭑ يَشُييٍ رَ هَلِ ﭑ مُ قٍقٍ رَبَشِ عٍ رَ. ﭑ مُ قٍ حَاشِ يٌ رَبَشِ عٍ رَ، كْنْ عٍ وَ مَ ﭑ شَ سَرٍ ندٍ قِ.

⁶عَلَ، عِ ﭑ مَ تَنتَنيِ كٌلٌن، ﭑ مَ يُنُبِيٍ مُ نْشُنشِ عِ مَ.

⁷مَنفّ عَلَتَلَ، عِ نَشَ عَ لُ دَنشَنِيَتْييٍ شَ يَافِ ﭑ مَ قٍ رَ. عِسِرَيِلَ مَرِفِ عَلَ، عِ نَشَ عَ لُ عِ قٍنمَيٍ شَ عِقُ ﭑ مَ قٍ رَ.

⁸عٍ ﭑ كٌنبِمَ عِ تَن نَن مَ قٍ رَ. ﭑ بَرَ يَافِ هَن.

⁹ﭑ شُنيَيٍ مُ ﭑ كٌلٌن سْنْن، ﭑ بَرَ لُ ﭑ تَارَيٍ بّ عَلْ شْحّ ندٍ.

¹⁰ﭑ وَ مَ عِ وَشْنقٍ رَبَقٍ. عِ كٌنبِمَيٍ بَرَ قِندِ ﭑ يَشُييٍ رَ.

¹¹ﭑ وَ مَ، ﭑ سُنمَ. نَ بِرِن مَن كُي، مِشِيٍ ﭑ كٌنبِمَ.

¹²ﭑ سُننُن دٌنمَ رَفٌرٌ مَ ﭑ مَ، عٍ ﭑ مَيٍلٍمَ.

¹³نَشٍيٍ دْشْشِ تَا سٌدٍ دّ رَ، نٍيٍ ﭑ مَقَلَمَ، سِيسِلَيٍ ﭑ مَيٍلٍمَ سِفِ رَ.

¹⁴كْنْ عَلَتَلَ، ﭑ بَرَ عِ مَشَندِ. عَلَ عِ شَ هِننّ ﭑ نَ بَرِ مَ عِ شَ هِننّ فبٌ.

¹⁵ﭑ نَكِسِ عَلَكٌ ﭑ نَشَ بِرِ بٌورَ شْورَ، ﭑ نَتَنفَ ﭑ شْنمِشِيٍ مَ.

¹⁶عِ نَشَ تِن ﭑ شَ مَدُلَ، يٍ نَشَ ﭑ نَلْي، ﭑ نَشَ فٌرٌ عَلِفِيَمَ.

¹⁷عَلَتَلَ، ﭑ شُي رَتِن، عِ تَن نَشَن قَن، نَشَن شَ هِننّ فبٌ. عِ شَ كِنِكِنِ ﭑ مَ، عِ شَ ﭑ مَلِ.

¹⁸عِ نَشَ عِ نْشُن عِ شَ كٌنيِ مَ. ﭑ نَ تْورّ كُي، يَندِ ﭑ مَلِ.

¹⁹عِ شَ عِ مَكْرّ ﭑ نَ، عِ شَ ﭑ شُنسَرَ، عِ شَ ﭑ نَكِسِ ﭑ يَشُييٍ مَ.

²⁰عِ بَرَ ﭑ مَ تْورّ نُن ﭑ مَ يَافِ كٌلٌن، ﭑ يَشُييٍ بِرِن نَ عِ يَ عِ.

²¹كٌنبِ بَرَ ﭑ بْحّ كَنَ هَن ﭑ بَرَ قُرَ. ﭑ هَيِ نَ كِنِكِنِ مَ، كْنْ عَ مُ نَ. ﭑ هَيِ نَ مِشِ مَدُندُ مَيٍ مَ، كْنْ عٍ مُ تٌمَ.

²²عٍ ثْسْنّ سَمَ ﭑ مَ دٌنسٍ، عٍ مِنسٍ شْنّ سٌمَ ﭑ يِ رَ، يٍ حْشْي رَ.

²³عٍ شَ تٍيبِلِ شَ قِندِ فَنتَنيِ رَ عٍ بّ، عٍ شَ نَاقُلِ شَ قِندِ يّلّ رَ نَشَن عٍ سُشُمَ.

²⁴عٍ يَ شَ عِقْورْ، عٍ شَ دْنشُ. عٍ تَفِ شَ عٍ شْنْ هَن عٍ شَ بِرَ.

²⁵عِ شَ شْنْ عٍ مَ، عٍ شَ نَ تّ كٌلٌن.

²⁶عٍ شَ فْورّ شَ حْن، عَدَ مَدِيٍ نَشَ لُ عٍ شْنيِ سْنْن،

²⁷بَرِ مَ عٍ تْورْ مِشِيٍ شَ تْورّ شُن مَسَمَ، عِ نَشٍيٍ حَشَنكَتَ. عٍ مِشِيٍ مَيٍلٍمَ، عِ نَشٍيٍ هَلَكِ.

²⁸عِ شَ عٍ شَ يُنُبِ بِرِن تٌ، عَلَكٌ عٍ نَشَ عِ شَ كِسِ سْتْ سْنْن.

²⁹عٍ شِلِيٍ شَ بَ سِمَيَ سّبّلِ كُي، عٍ نَشَ لُ تِنشِنتْييٍ يَ مَ.

³⁰ﭑ تَن نَ تْورْقٍ يِ تّمُي، عَلَ، عِ شَ ﭑ نَكِسِ، عِ شَ ﭑ نَكٍلِ.

³¹ﭑ قَمَ عَلَ شِلِ مَتْشْدٍ بّيتِ رَ، ﭑ قَمَ تَنتُي رَ سِفَدٍ عَ مَ.

³²نَ رَقَن عَلَتَلَ مَ دَنفِقٍ سّرّشّ رَ، هَلِ نِنفٍ كَمَلِشِ نَ عَ رَ، هَلِ تُورَ قٍرِ كَنيِ نَ عَ رَ، تٌرٍيٍ نَ نَشَن بّ.

³³تْورْ مِشِيٍ سّيوَ مَ نّ نَ تٌقٍ رَ. نَشٍيٍ عَلَ قٍنمَ، عٍ سِمَيَ شْنكُيٍ سْتْمَ نّ.

³⁴عَلَتَلَ عَ تُلِ مَتِمَ سٍتَرٍيٍ رَ، عَ مُ نّيمُمَ عَ شَ مِشِيٍ مَ عٍ شَ تْورّ كُي.

³⁵كٌورٍ نُن بْشِ شَ عَ مَتْشْ، بَا نُن يّشّييٍ شَ عَ بِنيَ.

³⁶عَلَ قَمَ سِيٌنِ رَكِسِدٍ، عَ يُدَ تَايٍ تِمَ نّ. عَ مَن حَمَ سَبَتِ نَا، نَا شَ قِندِ عٍ فبٍ رَ.