يَبُرَ 68:9-20

⁹بْشِ بِرِن نُ سّرّنمَ نّ. تُنّ يٍ نُ فٌرٌ مَ عَلَ يَ عِ، عِسِرَيِلَ مَرِفِ عَلَ، نَشَن نَ سِيٌنِ.

¹⁰عَلَ نُ تُنّ يٍ رَفٌرٌ مَ بْشِ مَ، عَ شَ سّنبّ قِ عَ شَ بْشِ تَفَنشِ مَ.

¹¹عِ بَرَ عِ شَ حَمَ رَ سَبَتِ نَا. عِ بَرَ تْورْ مِشِ مَلِ نَا. عِ نَ بِرِن نَبَشِ نّ بَرِ مَ عِ قَن.

¹²مَرِفِ مَسٍنيِ قَنيِ سٌمَ عَ شَ شّيرَيٍ يِ رَ. فَلِ بٍلٍبٍلٍ نَن عٍ رَ. عٍ نَشّ،

¹³«فٍرٍ سٌي مَنفّيٍ نَ عٍ فِقٍ، عٍ نَ عٍ فِقٍ وٌ يَ رَ. وٌ شَ فِنّيٍ نَشٍيٍ لُشِ بَنشِ، عٍ قَمَ يِ فٍرٍ نَاقُلِ عِتَشُندٍ.

¹⁴وٌ قَمَ وٌ مَلَبُدٍ وٌ شَ شُرُ سٍيٍ قّ مَ. عَلَ مّينِمَ نّ عَ شَ حَمَ مَ عَلْ عَ مّينِمَ فَنبّيٍ مَ كِ نَشّ. عٍ فَبُتٍنيِ لُمَ عَلْ فبٍتِ نُن شّيمَ نَن نَ عٍ مَ.»

¹⁵عَلَ شِلِ شُنفبٍ كَنيِ بَرَ مَنفّيٍ رَيٍنسٍن سَلَمٌن فٍيَ مَ بَلَبَلَنيِ سَابُي رَ.

¹⁶بَسَن فٍيَ، عَلَ نَشَن دَاشِ، كٌندٍ وُيَشِ نَشَن بّ،

¹⁷وٌ نَ عَلَ شَ فٍيَ سُفَندِشِ مَتٌقٍ تْونّ رَ مُنقٍ رَ، عَ بَرَ عَ شَ هْرْ مْلِنفِرَ تِ دّننَشّ؟ عَلَ لُمَ نّ مّننِ تّمُي بِرِن.

¹⁸عَلَتَلَ شَ فٍرٍ سٌي شَ فِسٍيٍ وُيَ دَنفِ وُلُ قُ رَ. عَ شَ فٍرٍ سٌي قَن دَنفِ وُلُ وُلُيٍ رَ. عَلَ نَ عٍ يَ مَ. سِنَيِ فٍيَ نَ يِرٍ سّنِيّنشِ كُي.

¹⁹ﭑ مَرِفِ عَلَتَلَ، عِ بَرَ تٍ كٌورٍ مَ. عِ بَرَ فٍيلِمَنِيٍ شَنِن. عَدَ مَدِيٍ بَرَ عِ بُحَ، مَتَندِلَيٍ قَن بَرَ وَ سٌقٍ عِ شْنيِ.

²⁰تَنتُي نَ عِ بّ لْشْي بِرِن، عَ وٌن مَ كٌتٍ شَنِنقٍ لْشْ يٌ لْشْ. وٌن مَ مَرَكِسِمَ نَ عَلَ نَن نَ.