يَبُرَ 50:1-14

¹عَسَقِ شَ بّيتِ عَلَتَلَ نَ وْيّنقٍ. عَ نَ دُنِحَ بِرِن شِلِقٍ، كٍلِ سٌفٍتٍدٍ هَن سٌفٍفٌرٌدٍ.

²كٍلِقٍ سِيٌن، عَلَ شَ تٌقَنيِ يَنبَمَ.

³وٌن مَرِفِ عَلَ نَ قَقٍ، عَ مُ دُندُشِ. تّ بٍلٍبٍلٍ نَ عَ يَ رَ، قٌيٍ شُنفبٍ قَن نَ عَ رَبِلِنيِ.

⁴عَ شُي تٍمَ كٌورٍ مَ، عَ شُي فٌرٌ مَ بْشِ كِيتِ سَدٍ عَ شَ مِشِيٍ بّ.

⁵«ﭑ بَتُلَيٍ، نَشٍيٍ لَايِدِ تٌنفٌشِ ﭑ بّ سّرّشّ رَ، وٌ شَ وٌ مَلَن.»

⁶عَلَ شَ مَسٍنيِ تِنشِنشِ كٍلِمَ كٌورٍ نَن مَ، بَرِ مَ كِيتِسَ نَن نَ عَلَ رَ.

⁷«ﭑ مَ مِشِيٍ، وٌ وٌ تُلِ مَتِ، ﭑ شَ وْيّن. عِسِرَيِلَ، ﭑ بَرَ وٌ كَلَمُ. عَلَ نَن ﭑ نَ، وٌ مَرِفِ عَلَ.

⁸ﭑ مُ شْنْشِ وٌ شَ سّرّشّيٍ شَ قٍ رَ. وٌ سّرّشّ فَن دَاشِيٍ بَمَ ﭑ بّ تّمُي بِرِن.

⁹ﭑ مُ تُورَ تٌنفٌمَ وٌ شْنيِ. ﭑ مُ سِ كٌنتٌنيِ قَن تٌنفٌمَ وٌ شَ كُلّ.

¹⁰ﭑ فبٍ نَن نَ سُبٍ بِرِن نَ وُلَ عِ. ﭑ فبٍ نَن نَ سُبٍ بِرِن نَ فٍيَيٍ مَ.

¹¹ﭑ فبٍ نَن نَ شْنِ بِرِن نَ كٌورٍ مَ. ﭑ فبٍ نَن نَ سُبٍ بِرِن نَ قِيلِ مَ.

¹²شَ كَامّ ﭑ سُشُمَ نُ، ﭑ مَ قَلَمَ وٌ تَن بّ. ﭑ فبٍ نَن نَ دُنِحَ بِرِن نَ.

¹³ﭑ تَن تُورَ سُبٍ دٌنمَ؟ عَدٍ. ﭑ تَن سِ كٌنتٌنيِ وُلِ مِنمَ؟ عَدٍ.

¹⁴عَ لَنمَ وٌ شَ تَنتُي رَ سِفَ ﭑ مَ، نَ شَ قِندِ وٌ شَ سّرّشّيٍ رَ. وٌ شَ وٌ شَ لَايِدِيٍ رَكَمَلِ ﭑ بّ، ﭑ تَن عَلَ شِلِ شُنفبٍ كَنيِ.