يَبُرَ 35:2-22

²كٍلِ، عِ شَ ﭑ مَلِ عِ شَ فٍرٍ سٌسٍ رَ.

³عِ شَ شَلِ نُن تَنبّ شَ عِتٍ ﭑ يَشُييٍ شِلِ مَ. عَ قَلَ ﭑ بّ، عَ عِ تَن نَن ﭑ مَ مَرَكِسِمَ رَ.

⁴عَلَ شَ ﭑ يَشُييٍ رَيَافِ، عَ شَ عٍ شَشِلِ عِقُ، نَشٍيٍ وَ مَ ﭑ قَشَقٍ. نَشٍيٍ قٍ حَاشِيٍ مَشِرِ مَ ﭑ شُن مَ، عَلَ شَ عٍ رَيَافِ، عَ شَ عٍ كٍرِ.

⁵عٍ شَ لُ عَلْ مَالٍ لَفِ قٌيٍ نَشَن نَيٍنسٍنمَ. عَلَتَلَ شَ مَلٍكّ شَ عٍ كٍرِ.

⁶عَلَ شَ عٍ لُ دِ مِ كُي، عَلَ شَ عٍ شَ كِرَ مَسَلَشُن. عَلَتَلَ شَ مَلٍكّ شَ عٍ كٍرِ.

⁷عٍ بَرَ يّلّ عِتَلَ ﭑ يَ رَ، عٍ بَرَ يِلِ فٍ ﭑ بِرَ مَ دّننَشّ، عَلَكٌ عٍ شَ ﭑ قَشَ هَلِ ﭑ مُ قٍ حَاشِ يٌ رَبَشِ عٍ رَ.

⁸عَلَ شَ نَ سَرٍ رَفبِلٍن عٍ مَ. عَلَ شَ عٍ سُشُ يّلّ كُي، عَلَ شَ عٍ رَبِرَ يِلِ كُي.

⁹نَ تّمُي ﭑ بْحّ حّلّشِنمَ نّ عَلَتَلَ رَ. ﭑ سّيوَ مَ نّ عَ شَ مَرَكِسِ شَ قٍ رَ.

¹⁰ﭑ بْحّ عَ قَلَمَ نّ، «عَلَتَلَ، عِ مَنِيّ مُ نَ. ندٍ نْمَ تْورْ مِشِ رَتَنفَدٍ سّنبّمَ مَ؟ ندٍ نْمَ سٍتَرٍ رَتَنفَدٍ مُحّتِيٍ مَ؟»

¹¹وُلٍ قَلّيٍ ﭑ تْوحّفّمَ، عٍ نُ قٍ قَلَ عٍ مُ نَشَن كٌلٌن.

¹²عٍ ﭑ مَ قٍ قَنيِ سَرٍ رَفبِلٍنمَ قٍ حَاشِيٍ رَ. مِشِ بِرِن بَرَ ﭑ نَبٌلٌ.

¹³كْنْ عٍ تَن نُ قُرَشِ تّمُي نَشّ، ﭑ نُ لُمَ سُننُن نَ عٍ بّ، ﭑ نُ قَ سُنيِ سُشُ، ﭑ عَلَ مَشَندِ عٍ بّ تّمُي بِرِن.

¹⁴ﭑ سُننُنشِ عٍ بّ عَلْ ﭑ سُننُنمَ ﭑ بٌورٍ بّ كِ نَشّ، شَ نَ مُ عَ رَ ﭑ نفَشَكٍرٍنيِ بّ. ﭑ كِنِكِنِشِ عٍ بّ عَلْ ﭑ كِنِكِنِمَ ﭑ نفَ بّ كِ نَشّ.

¹⁵كْنْ تْورّ تٌ ﭑ تَن لِ، عٍ بِرِن نَشَ حّلّشِن. عٍ نَشَ كَقُ عٍ بٌرٍ مَ ﭑ شِلِ مَ، عٍ شَ ﭑ حَشَنكَتَ، عٍ شَ ﭑ نَهَلَكِ.

¹⁶مِشِ حَاشِيٍ نُن كٌنبِتِيٍ، عٍ بِرِن ﭑ مَ قٍ شْنشِ، عٍ نُ يٍلٍ.

¹⁷ﭑ مَرِفِ، مُنقٍ رَ عِ تِنمَ نَ مْولِ شَ رَبَ؟ ﭑ نِي رَتَنفَ عٍ شَ فٍرٍ مَ، ﭑ نِي رَكِسِ يِ يّتّيٍ مَ.

¹⁸نَ كُي ﭑ عِ تَنتُمَ نّ مَلَنيِ شُنفبٍ كُي، ﭑ عِ مَتْشْمَ حَمَ فبٍفبٍ تَفِ.

¹⁹عَلَ شَ ﭑ نَتَنفَ ﭑ يَشُييٍ مَ، نَشٍيٍ وَ مَ يٌقٍ ﭑ مَ. عَلَ شَ ﭑ نَتَنفَ ﭑ شْنمِشِيٍ نَشٍيٍ وَ مَ ﭑ كٌنبِقٍ هَلِ ﭑ مُ قٍ يٌ رَبَشِ عٍ رَ.

²⁰عٍ مُ وْيّن قَنيِ يٌ قَلَمَ، عٍ مِشِ قَنيِ مَدَشُمَ تُن.

²¹عٍ ﭑ تْوحّفّمَ عَ قَلَقٍ رَ، «مُشُ بَرَ عَ تٌ.»

²²عَلَتَلَ، عِ بَرَ نَ بِرِن تٌ. عِ نَشَ دُندُ دٍ. ﭑ مَرِفِ، عِ نَشَ عِ مَكُيَ ﭑ نَ.