يَبُرَ 25:1-19

¹دَوُدَ فبٍ ﭑ شَشِلِ تِشِ عِ تَن عَلَتَلَ نَن نَ.

²ﭑ مَرِفِ عَلَ، ﭑ بَرَ ﭑ يّتّ تَشُ عِ رَ عَلَكٌ يَافِ نَشَ ﭑ سْتْ، عَلَكٌ ﭑ يَشُييٍ نَشَ ﭑ مَيٍلٍ.

³نَشَن يٌ لَ عِ رَ، نَ كَنيِ مُ يَافِ سْتْمَ، كْنْ يَنقَنتٍ تَن، يَافِ سْتْمَ نّ عَ قَنيِ رَ.

⁴عَلَتَلَ، عِ شَ كِرَ مَسٍن ﭑ بّ، ﭑ شَرَن عِ شَ كِرَ رَ.

⁵ﭑ نَحّرّ عِ شَ نْندِ كِرَ شْن، عِ مَن شَ ﭑ مَتِنكَن عِ شَ كِرَ رَ، بَرِ مَ عِ تَن عَلَ نَن ﭑ نَكِسِمَ. ﭑ شَشِلِ تِشِ عِ رَ لْشْي بِرِن.

⁶عَلَتَلَ، عِ مَحْشُن عِ شَ مَرَقَنيِ نُن عِ شَ قٌنِسِرٍيَ مَ، بَرِ مَ عٍ نَ نَ كَبِ دُنِحَ قْلّ.

⁷عِ نَشَ عِ مَحْشُن ﭑ مَ يُنُبِ مَ، ﭑ نَشَن نَبَشِ ﭑ مَ سّفّتَلَيَ كُي، ﭑ عِ رَشْنْشِ تّمُي نَشّ. عَلَتَلَ، عِ مَحْشُن ﭑ مَ عِ شَ قٌنِسِرٍيَ كُي، بَرِ مَ عِ قَن.

⁸عَلَتَلَ قَن، عَ تِنشِن. نَ نَن عَ تٌشِ عَ كِرَ مَسٍنمَ يُنُبِتْييٍ بّ.

⁹عَ تَن نَن مِشِ مَفٌرٌشِ رَحّرّ مَ تِنشِنيِ كُي. عَ عٍ مَتِنكَنمَ عَ شَ كِرَ رَ.

¹⁰عَلَتَلَ شَ قٌنِسِرٍيَ نُن تِنشِنيِ نَ مِشِيٍ بّ، نَشٍيٍ عَ شَ سَاتّ نُن عَ شَ يَامَرِ مَبَنبَنمَ.

¹¹عَلَتَلَ، ﭑ مَ يُنُبِيٍ شَقَرِ عِ شِلِ شَ قٍ رَ، بَرِ مَ عٍ مُ شُرُن.

¹²ندٍ فَاشُمَ عَلَتَلَ يَ رَ؟ عَلَتَلَ كِرَ مَسٍنمَ نَ كَنيِ بّ عَ لَنمَ عَ شَ حّرّ نَشَن مَ.

¹³عَ عَلِفِيَمَ لِمَ نّ سّيوّ كُي. عَ بْنسْي قَن قَمَ سَبَتِدٍ يِ بْشِ مَ.

¹⁴عَلَتَلَ عَ شَ فُندٌ مَسٍنمَ مِشِيٍ بّ، نَشٍيٍ فَاشُ عَ يَ رَ. عَ عَ شَ سَاتّ مَسٍنمَ نّ عٍ بّ.

¹⁵ﭑ شَشِلِ تِشِ عَلَتَلَ رَ لْشْي بِرِن بَرِ مَ عَ تَن نَن ﭑ نَتَنفَمَ قٍ حَاشِ مَ.

¹⁶عَلَتَلَ، يَندِ، هِننّ ﭑ نَ، بَرِ مَ تْورْ مِشِ نَن ﭑ نَ، ﭑ مَلِمَ قَن مُ نَ.

¹⁷ﭑ بْحّ بَرَ تْورْ. ﭑ نَمِنِ نَ تْورّ كُي.

¹⁸عِ يَ رَ سِفَ ﭑ مَ سُننُنيِ نُن ﭑ مَ حَشَنكَتّ مَ، عِ شَ دِحّ ﭑ مَ يُنُبِ بِرِن مَ.

¹⁹عِ شَ عَ مَتٌ ﭑ يَشُييٍ وُيَشِ كِ نَشّ. عٍ ﭑ شْنشِ عَ حَاشِ رَ.